Вераніка Аляксандраўна Чарняхоўская
| Вераніка Аляксандраўна Чарняхоўская | |
|---|---|
 | |
| Род дзейнасці | пісьменніца, паэтка |
| Дата нараджэння | 25 красавіка 1900 |
| Месца нараджэння | |
| Дата смерці | 22 верасня 1938 (38 гадоў) |
| Месца смерці | |
| Грамадзянства | |
| Бацька | Аляксандр Рыгоравіч Чарняхоўскі[d] |
| Маці | Liudmyla Starytska-Cherniakhivska[d] |
 Медыяфайлы на Вікісховішчы | |
Вераніка Аляксандраўна Чарняхоўская (укр.: Вероні́ка Олекса́ндрівна Черняхі́вська; 25 красавіка 1900, Кіеў — 22 верасня 1938, там жа) — украінская паэтэса, перакладчыца.
Біяграфія
[правіць | правіць зыходнік]Нарадзілася ў сям’і вядомай пісьменніцы і паэтэсы Л. Старыцкай-Чарняхоўскай і прафесара-медыка Кіеўскага ўніверсітэта А. Р. Чарняхоўскага. Унучка пісьменніка, драматурга і грамадскага дзеяча М. П. Старыцкага.
Пасля заканчэння ў 1918 годзе з адзнакай Другой украінскай гімназіі ім. Кірыла-Мяфодзіеўскага брацтва навучалася на эканамічным факультэце Кіеўскага камерцыйнага інстытута і курсах замежных моў.
Разам з бацькам, прафесарам медыцыны А. Р. Чарняхоўскім, па заданні Наркамата аховы здароўя, дзе яна працавала рэферэнтам — перакладчыкам, з’ездзіла ў камандзіроўку ў Германію. Там выйшла замуж за нямецкага падданага, з якім пазнаёмілася ў Кіеве, швейцарца Тэадора Гекена.
За мяжой Вераніка ўдасканальвала свае веды нямецкай і англійскай у Берлінскім універсітэце. Пабывала ў Швейцарыі і Італіі. З 1920 года была ў ліку актыўных удзельнікаў украінскай літаратурна-мастацкай групы «Грона»
Увосень 1929 года Вераніка Чарняхоўская была арыштаваная па абвінавачанні ў датычнасці да «справы СВУ». Утрымлівалася ў харкаўскай турме. У студзені 1930 г. яе выпусцілі, маці ўгаварыла чэкістаў і замяніла дачку падчас працэсу на лаве падсудных. Тэрмін пакарання быў умоўным. Але арыштавалі бацьку і маці.
Другі раз Вераніку арыштавалі 8 студзеня 1938 года па абвінавачанні ў правядзенні «шпіёнска-контррэвалюцыйнай дзейнасці». Нагодай стала тое, што яна з бацькам у 1928—1929 гадах пабывала ў творчай камандзіроўцы ў Германіі. Падчас зняволення ў Лук’янаўскай турме Вераніка Чарняхоўская звар’яцела.
22 верасня 1938 года яна была прыгаворана да расстрэлу. Прыгавор прыведзены ў выкананне ў той жа дзень. Месца яе пахавання невядома.