Вышэйшая школа прадпрымальніцтва і адміністрацыі ў Любліне

Вышэйшая школа прадпрымальніцтва і адміністрацыі ў Любліне (WSPA)
польск.: Wyższa Szkoła Przedsiębiorczości i Administracji w Lublinie
Арыгінальная назва	польск.: Wyższa Szkoła Przedsiębiorczości i Administracji w Lublinie
Міжнародная назва	англ.: University College of Enterprise and Administration in Lublin
Заснаваны	1998
Рэктар	Макар Кшыштаф Стасяк
Краіна	Польшча
Размяшчэнне	Люблін
Сайт	wspa.pl
Медыяфайлы на Вікісховішчы

Вышэйшая школа прадпрымальніцтва і адміністрацыі ў Любліне (польск.: Wyższa Szkoła Przedsiębiorczości i Administracji w Lublinie) — польская прыватная вышэйшая навучальная ўстанова, якая знаходзіцца ў Любліне.

Агульная характарыстыка

Вышэйшая школа прадпрымальніцтва і адміністрацыі была створана ў Любліне 18 жніўня 1998 года рашэннем міністра народнай адукацыі Польшчы. Яна занесеная ў рэестр недзяржаўных ВНУ Польшчы пад нумарам 144. У цяперашні час школа навучае студэнтаў на студыях першай і другой ступені і па праграмам паслядыпломнай адукацыі. З верасня 2010 года ў структуры школы дзейнічаюць два факультэты: факультэт тэхнічных навук і факультэт сацыяльных і гуманітарных навук, якія ажыццяўляюць навучанне па 12 спецыяльнасцям першага і другога ўзроўняў вышэйшай адукацыі.

Спецыяльнасці

• Факультэт тэхнічных навук: архітэктура, прасторавая гаспадарка, інфарматыка, транспарт, дызайн інтэр'еру.
• Факультэт сацыяльных і гуманітарных навук: адміністрацыя, журналістыка і сацыяльныя камунікацыі, фінансы і бухгалтарскі ўлік, сацыяльная праца, сацыялогія, міжнародныя адносіны, кіраванне.

Спасылкі

• На Вікісховішчы ёсць медыяфайлы па тэме Вышэйшая школа прадпрымальніцтва і адміністрацыі ў Любліне
• Афіцыйная інтэрнэт-старонка ўстановы