Люблінскі політэхнічны ўніверсітэт

Люблінскі політэхнічны ўніверсітэт
польск.: Politechnika Lubelska
Арыгінальная назва	польск.: Politechnika Lubelska
Міжнародная назва	Lublin University of Technology
Заснаваны	1953
Тып	політэхніка
Рэктар	Пётр Кацэйка
Рэктар	Zbigniew Pater[d]
Студэнты	9 000
Краіна	Польшча
Размяшчэнне	Люблін
Юрыдычны адрас	вул. Надбыстжыцка 38D,20-618 г. Люблін, Польшча
Сайт	pollub.pl
Медыяфайлы на Вікісховішчы

Люблінскі політэхнічны ўніверсітэт (польск.: Politechnika Lubelska) — польская дзяржаўная вышэйшая навучальная ўстанова тэхнічнага профілю са статусам універсітэта, якая знаходзіцца ў Любліне.

Агульная характарыстыка

Заснаваны ў 1953 годзе ў Любліне як Вячэрняя інжынерная школа. Адначасова са стварэннем школы пачаў функцыянаваць яе першы факультэт - механічны. У 1965 годзе вучэльню перайменавалі ў Вышэйшую інжынерную школу. У тым жа годзе быў створаны факультэт грамадзянскага будаўніцтва, годам раней - электратэхнічны факультэт. У 1977 годзе Вышэйшую інжынерную школу перайменавалі ў Політэхніку. У 1988 годзе быў створаны факультэт кіравання і асноў тэхнікі, які з 28 снежня 2007 года быў ператвораны ў факультэт кіравання. У 2003 годзе факультэт электратэхнікі быў ператвораны ў факультэт электратэхнікі і інфарматыкі. Са снежня 2007 года ў ВНУ дзейнічае шосты факультэт - факультэт асноў тэхнікі.

З'яўляецца адным з пяці дзяржаўных універсітэтаў у Любліне, з якіх адзіны мае тэхнічны профіль. Універсітэт прапануе праграмы навучання на ўзроўні бакалаўра, інжынера, магістра і доктара. Уключае 14 навучальных будынкаў, частка з якіх - гістарычныя сядзібы. Адміністрацыя ўніверсітэта размешчана ў гістарычных будынках былога палаца Сабескіх на вул. Бернардынскай у цэнтры горада.

Факультэты

• Механічны
• Электратэхнікі і інфарматыкі
• Будаўніцтва і архітэктуры
• Інжынерыі навакольнага асяроддзя
• Упраўлення
• Асноў тэхнікі

Спасылкі

• На Вікісховішчы ёсць медыяфайлы па тэме Люблінскі політэхнічны ўніверсітэт
• Афіцыйная інтэрнэт-старонка ўніверсітэта