Градчаны

Градчаны Hradčany
Від на Градчаны Герб Сцяг Каардынаты: 50°05′22″ пн. ш. 14°23′50″ у. д.
Раён Прагі:	Прага 1, Прага 6
Плошча:	1,51 км²
Насельніцтва:	2222 чал. (2006)

Градчаны (чэшск.: Hradčany, ням.: Hradschin) — адзін з чатырох гістарычных раёнаў Прагі, якія захоўвалі да 1784 г. права на самакіраванне.

Старая імператарская рэзідэнцыя Пражскі град і сумежны крапасны горад Градчаны размешчаны на прасторным скалістым узгорку левага берага ракі Влтавы. Назва раёна адбылося ад слова «hrad», што на чэшскай мове азначае «замак, крэпасць, умацаванае паселішча».

Асноўныя славутасці

• Градчанская ратуша (1598, рэнесанс);

  

  Выгляд на Градчаны з паўднёвага захаду

• Шварцэнбергскі палац (1545-63, рэнесанс, роспіс 1580, цяпер Ваенна-гістарычны музей);
• Марцініцкі палац (1552-63, 1598, 1624, рэнесанс; цяпер Канцылярыя галоўнага архітэктара);
• Архібіскупскі палац (1562-64, 1669-94, 1763-64, барока);
• Чэрнінскі палац (1669—1720, барока; цяпер Міністэрства замежных спраў);
• Тасканскі палац (1690, барока);
• Штэрнбергскі палац (1690—1720, барока; цяпер Нацыянальная галерэя);
• Гложэкскі палац (канец XVII ст.; цяпер пасольства Аўстрыі);
• Дзітрыхштэйнскі і Грзанскі палацы (XVIII стагоддзе, барока; цяпер парадныя дзяржаўныя рэзідэнцыі);
• Сальмскі палац (1800-10, ампір; цяпер пасольства Швейцарыі);
• Манастыр Ларэта (1626—1756, барока);
• Страгаўскі манастыр (закладзены ў 1140 г., раманскі і гатычны стылі) з Ёзэфінскай бібліятэкай (1782-84; цяпер Музей нацыянальнай пісьменнасці);
• Касцёл св. Яна Непамуцкага (1720-28, барока, арх. К. І. Дынцэнгофер);
• Манастыр капуцынаў на Ларэцкай плошчы (1601, рэнесанс і барока);
• Касцёл св. Роха (1603-12; позняя готыка);
• Касцёл дзевы Марыі на Страгаўске надваржы (будаваўся з XII па XVIII стагоддзі, эклектыка);
• Чумны слуп са статуяй дзевы Марыі (1726, барока).
• Помнік Францыску Скарыну (1996, скульптар Э. Астаф’еў, архітэктар Ю. Казакоў)

Гл. таксама

• На Вікісховішчы ёсць медыяфайлы па тэме Градчаны
• станцыя метро Градчанска
• Пражскі Град