Дом Аўгуста
Дом Аўгуста (лац.: Domus Augusti, італ.: casa di Augusto) — дом на ўзгорку Палацін у Рыме, у якім жыў імператар Аўгуст.
Дом быў пабудаваны ў 36 годзе да н. э. і Аўгуст жыў у ім яшчэ да таго як стаў імператарам. У дом уваходзілі пакоі імператара, бібліятэка, пакоі з фрэскамі, якія адлюстроўваюць багіню Кібелу, тэатральныя маскі, гірлянды. Пакоі былі вельмі маленькімі і сціплымі, тады як у частцы дому, якая выкарыстоўвалася для грамадскіх прыёмаў, былі вялікія памяшканні, багата ўпрыгожаныя стука і мармурам. Да дому Аўгуста прылягаў дом яго жонкі Лівіі.
Пасля смерці Аўгуста, дом быў пашыраны ў Domus Tiberiana. Пасля пажару пры Нероне верхнія паверхі дому былі знесены, комплекс будынкаў перабудаваны. У цэнтры арэала на месцы пакланення Боскага Аўгуста — Sacrarium Divi Augusti быў пабудаваны храм Цэзараў (templum Divorum ці aedes Caesarum) для пакланення імператарскай пары Аўгуста і Лівіі.
Вялікая частка дому на сённяшні дзень разбурана.
Спасылкі[правіць | правіць зыходнік]
На Вікісховішчы ёсць медыяфайлы па тэме Дом Аўгуста- Дом Аўгуста
