Прагляд зыходнага тэксту старонкі Дэнетар II

{{Універсальная картка}}'''Дэ́нетар II''' ({{lang-sjn|Denethor}}) — персанаж рамана [[Джон Рональд Руэл Толкін|Дж. Р. Р. Толкіна]] «[[Уладар Пярсцёнкаў]]», [[Намеснікі Гондара|намеснік]] (рэгент) каралеўства [[Гондар]]а (парадкавы нумар II гаворыць пра тое, што ён быў другім намеснікам з гэтым імем). Сын намесніка Эктэліяна II, бацька [[Борамір]]а і [[Фарамір]]а.

== Удзел Дэнетара ў Вайне Пярсцёнка ==
Першапачаткова Дэнетар быў мудрым кіраўніком і стрыманым палкаводцам, аднак яго саманадзейнасць і ўласцівая многім нашчадкам нуменарцаў фанабэрыстасць прывяла Намесніка да памылковай высновы, што ў супрацьстаянні з [[Саўран]]ам ён можа спадзявацца толькі на сябе самога і на тых, хто беспярэчна выконвае яго волю. Для барацьбы з Саўранам ён упершыню з дзён апошніх каралёў Гондара адважыўся скарыстацца [[паланцір]]ам Мінас-Цірыта, якія захоўваўся ў Белай Вежы крэпасці — і сутыкнуўся пры гэтым з магутным праціўнікам. Саўран усё ж не змог падпарадкаваць Намесніка сваёй волі, аднак пастаяннае сузіранне незлічоных полчышчаў [[Мордар]]а ўрэшце падкасіла баявы дух Дэнетара.<ref>Толкин, Дж. Р. Р. Властелин Колец. Возвращение Короля. — М.: АСТ, 2010. — 439 с.: ил. — ISBN 978-5-17-056784-3. (книга 5, глава 5)</ref>

Яшчэ адзін удар лёсу Дэнетар атрымаў, калі даведаўся пра гібель свайго старэйшага сына — Бораміра. Пасля гэтага ў дзеяннях Намесніка стала выразна праяўляцца вар'яцтва — так, угневаўшыся на малодшага сына, калі той адпусціў [[Фрода]] з [[Пярсцёнак Усеўладдзя|Пярсцёнкам Усеўладдзя]], ён адправіў [[Фарамір]]а ўтрымліваць умацаванні [[Рамас Эхар]]а ў прадмесцях [[Мінас-Цірыт]]а, нягледзячы на відавочную растрату сіл. Калі Фарамір вярнуўся з поля бою цяжка параненым і ў дадатак паражоным Чорнай Хваробай, Дэнетар канчаткова страціў цікавасць да жыцця, з-за чаго паспрабаваў скончыць жыццё [[самагубства]]м — спаліць сябе і [[Фарамір]]а, якога меркаваў безнадзейным. Пры гэтым ён да апошняй гадзіны не жадаў прызнаваць [[Арагорн]]а каралём і падазраваў Гандальфа ў жаданні ўзвесці на прастол Гондара сваю марыянетку. Аднак дзякуючы мужнасці [[Перэгрын Тук|Перэгрына Тука]] і варты крэпасці [[Берэганд]]а, а таксама хуткаму ўмяшанню [[Гандальф]]а, Фарамір не быў спалены, а пазней вылечаны. Дэнетар жа, які канчаткова звар'яцеў, маладушна пакінуў армію на Гандальфа, а сам загінуў у агні.

== Вобраз Дэнетара ў адаптацыях ==
* У кінатрылогіі [[Пітэр Джэксан|Пітэра Джэксана]] (фільмы «[[Уладар пярсцёнкаў: Дзве вежы|Дзве вежы]]» і «[[Уладар пярсцёнкаў: Вяртанне караля|Вяртанне караля]]») ролю Дэнетара выканаў аўстралійскі кінаакцёр [[Джон Ноўбл]], атрымаўшы за ўдзел у здымках адразу некалькі ўзнагарод, у тым ліку [[National Board of Review]] USA, Screen Actors Guild Award і Broadcast Film Critics Association USA Award.

== Гл. таксама ==
* [[Намеснікі Гондара]]

{{зноскі}}

{{Свет Серадзем'я}}

[[Катэгорыя:Людзі Серадзем’я]]
[[Катэгорыя:Персанажы Серадзем’я]]
[[Катэгорыя:Выдуманыя кіраўнікі]]
[[Катэгорыя:Выдуманыя самазабойцы]]
[[Катэгорыя:Персанажы рамана «Уладар Пярсцёнкаў»]]