Залаты кодэкс з Лорша
| ||
| невядома | ||
| Залаты кодэкс з Лорша. 810 | ||
| Ватыканская апостальская бібліятэка, Batthyaneum Library[d] і Музей Вікторыі і Альберта | ||
 Медыяфайлы на Вікісховішчы | ||
Залаты кодэкс з Лорша або Лоршскія евангеллі (Biblioteca Apostolica Vaticana, Pal. lat. 50, і Alba Iulia, Biblioteca Documenta Batthyaneum, s.n.) — ілюмінаваны евангеліярый, створаны паміж 778—820 гадамі, што прыблізна адпавядае перыяду праўлення Карла Вялікага ў Франкскай імперыі.
Кодэкс упершыню згадваецца пад назвай лац.: Evangelium scriptum cum auro pictum habens tabulas eburneas у каталогу бібліятэкі Лоршскага кляштара, складзеным у 830 годзе пры абаце Адэлунгу. Мяркуецца, што тут ён і быў створаны. Праз напісаныя золатам літары манускрыпта размяшчэнне ён быў названы Codex Aureus Laurensius. У X—XII стагоддзях бібліятэка Лорша была адной з найбуйнейшых у свеце.
Апісанне
[правіць | правіць зыходнік]Памер старонак манускрыпта, якіх спачатку было 474, — 37,4 x 27 см. Памер тэксту — 27 х 17,5 см. Матэрыялам быў лепшы пергамент з цялячых шкур. Тэкст падзелены на абзацы і запісаны ў дзве калонкі ўнцыяльным пісьмом па 31 радку ў кожнай. Ініцыялы і першыя літары абзацаў выкананы капіталісам, а капітулярый напісаны каралінгскім мінускулам. Характэрна пастаяннае выкарыстанне залатога чарніла. Калонкі тэксту акружаны разнастайнымі арнаментамі ў выглядзе павойных раслін, ініцыялы часткова выкананы пурпурам на залатым фоне. мініяцюрныя партрэты чатырох евангелістаў і дэісусны абраз выкананыя срэбнымі і залатымі фарбамі.
Рукапіс уключае чатыры евангеллі, два ўрыўкі з Ераніма, дванаццаць ням.: Kanontafeln, чатыры прадмовы да евангелляў і капітулярый.
Зноскі
Літаратура
[правіць | правіць зыходнік]- Walther, Ingo F. and Norbert Wolf. Codices Illustres: The world’s most famous illuminated manuscripts, 400 to 1600. Köln, TASCHEN, 2005.
