Зімовы сад (фільм, 1895)

«Зімовы сад» (ням.: Wintergartenprogramm) — нямецкі кампіляцыйны нямы кароткаметражны фільм 1895 года рэжысёра Макса Складаноўскага. Стужка знаходзіцца ў грамадскім набытку.

Кінафрагменты

Серыя кінафрагментаў, якія дэманстраваліся па чарзе:

Італьянскі сялянскі танец выконваюць хлопчык і дзяўчынка. Лічыцца першым фільмам на італьянскую тэматыку.
«Смешны турнік» (ням.: Komisches Reck) ― акрабатычны эцюд. Працягласць фільма ― 20 секунд.
«Бокс з кенгуру» (ням.: Das boxende Känguruh) ― фільм зняты ў цырку Батча. Працягласць 16 ± 1 с.
«Жанглёр» (ням.: Der Jongleur) — кінафрагмент з выступленнем жанглёра Сільвестра Шэфера у галоўнай ролі. Працягласць 19 с.
«Акрабатычнае папуры» — акрабатычная сцэна сям’і Груната.
«Камарынская» (ням.: Kamarinskaja) ― танец пад рускую песню камарынская^[ru]. Працягласць фільма ― 17 секунд.
«Змеепадобная танцорка» (ням.: Die Serpentintänzerin) — кінафрагмет з удзелам танцаўшчыцы Анцыён. Працягласць 20 ± 1 с.
«Барцы ў рынгу» (ням.: Ringkämpfer) ― кінафрагмент з удзелам культурыста Юджына Сендова і барца Грэйнера. Працягласць 19 с.