Канстанцін Карнякт

Канстанцін Карнякт
Род дзейнасці	купец
Дата нараджэння	1517
Месца нараджэння	Іракліян, Венецыянская рэспубліка
Дата смерці	1 жніўня 1603(1603-08-01)
Месца смерці	Львоў, Львоўская зямля, Рускае ваяводства, Малапольская правінцыя, Карона Каралеўства Польскага, Рэч Паспалітая
Месца пахавання	Успенская царква
Грамадзянства	Рэч Паспалітая
Веравызнанне	праваслаўе
Жонка	Ганна з Дзедушыцкіх[d]
Дзеці	Konstanty Korniakt z Białobok[d], Кацярына з Карняктаў[d] і Ганна з Карняктаў[d]
Медыяфайлы на Вікісховішчы

Канстанці́н Карня́кт (1517 ці 1520, Рэтымнан — 1 верасня 1603) — грэчаскі купец, львоўскі патрыцый і мецэнат, адзін з лідараў львоўскага праваслаўя.

Біяграфія

Канстанцін Карнякт нарадзіўся ў 1517 ці 1520 годзе ў горадзе Рэтымнан на востраве Крыт. Глебу для фінансавага і палітычнага аўтарытэту Канстанціна ў Львове стварыў яго старэйшы брат Міхаіл, які ўвесь час жыў у горадзе з 1545 да 1563 года, займаючыся гандлем усходнімі таварамі. Канстанцін Карнякт пераехаў спачатку ў Малдову і стаў вазіць у Львоў на продаж віно, шоўк і бавоўну.

25 сакавіка 1566 года па дэкрэце польскага караля Канстанцін Карнякт атрымаў дазвол на свабодны гандаль усходнімі вінамі ў гарадах Рэчы Паспалітай. З 1570 года ён пасяліўся ў Львове, у 1576 годзе дамогся каралеўскай граматы на права збірацб мыту на рускіх землях каралеўства — на Валыні, Кіеўшчыне, Падолле, Падляшша, Холмшчыне і ў Галіцыі. Ён падаваў магнатам і шляхце пазыкі пад заклад маёнткаў, у 1571 атрымаў дваранства сам і набыў гарадок Кулікаў і дзясятак вёсак.

Не пазней за 1569 год ён стаў членам праваслаўнага брацтва. У 1586 годзе Карнякт стаў адным з дванаццаці членаў-заснавальнікаў Львоўскага Успенскага праваслаўнага брацтва. Па просьбе канстанцінопальскага патрыярха Ераміі II ў 1572 годзе. К. Карнякт матэрыяльна падтрымаў будаўніцтва званіцы і царквы Успення Прасвятой Багародзіцы. Ён падтрымліваў брацкія школу і друкарню, аплачваў судовыя расходы падчас праваслаўных мяшчан супраць львоўскага магістрата, які кантраляваўся каталікамі. Канстанцін Карнякт фінансаваў дзейнасць праваслаўнай фракцыі варшаўскага сойма.

На львоўскай плошчы Рынак ён у 1580 годзе ім быў пабудаваны ўласны палац у стылі рэнесансу, адзін з найпрыгажэйшых будынкаў у горадзе. У канцы XVІ стагоддзя К. Карнякт лічыўся найбагацейшым мяшчанінам Львова. Ён узяў шлюб у 1575 годзе з Ганнай Дзедушыцкай (памерла ў 1616 годзе), прадстаўніцай аднаго з самых уплывовых родаў польска-літоўскай дзяржавы. У шлюбе меў дочак і двух сыноў — Канстанціна і Аляксандра.

У канцы жыцця жыцця Канстанцін Карнякт пасяліўся ў сваім прыгарадным маёнтку. Ён памёр 1 жніўня 1603 годзе і быў пахаваны ў крыпце праваслаўнай Успенскай царквы, пабудаванай на яго сродкі. Паводле яго завяшчання, Стаўрапігіяльнае брацтва атрымлівала прыбыткі ад яго маёнтка ў прыгараднай вёсцы Збоішча.

Спасылкі

• Канстанцін Карнякт(недаступная спасылка)
• Грэкі ва Украіне Архівавана 16 кастрычніка 2007.
• Грэцкія арэшкі Архівавана 18 чэрвеня 2010.