Каралеўскі каледж музыкі

Славутасць
Каралеўскі каледж музыкі
англ.: Royal College of Music
51°29′59″ пн. ш. 0°10′37″ з. д.
Краіна	Вялікабрытанія
Месцазнаходжанне	Кенсінгтан і Чэлсі
Дата заснавання	1882
Сайт	rcm.ac.uk rcm.ac.uk (англ.)
Медыяфайлы на Вікісховішчы

Каралеўскі каледж музыкі (англ.: Royal College of Music) — брытанская вышэйшая музычная навучальная ўстанова, размешчаная ў Лондане. Заснаваны ў 1882 годзе пад патранатам Прынца Уэльскага (будучага караля Эдуарда VII) і ўвесь час знаходзіцца пад найяснейшым заступніцтвам (з 1993 года прэзідэнтам каледжа з’яўляецца Чарлз, прынц Уэльскі). Заняткі пачаліся ў 1883 годзе. Непасрэдным папярэднікам каледжа была Нацыянальная школа навучання музыцы (англ.: National Training School for Music), якая працавала ў 1875—1882 гг. Будынак каледжа, пабудаваны ў 1894 годзе па праекце Артура Бломфілда, размешчаны на Прынс Консарт Роўд у Паўднёвым Кенсінгтоне, насупраць Альберт-хола.

Апроч навучальнай часткі, каледж мае значны музейна-архіўны складнік, аснова якога была закладзена, першым чынам, адным з заснавальнікаў каледжа Джорджам Гроўвам. У каледжы ёсць Музей музычных інструментаў, які ўключае больш за 800 экспанатаў ад XV стагоддзя да нашых дзён, калекцыя нотных аўтографаў, калекцыя партрэтаў (больш 300 маляўнічых арыгіналаў, сярод якіх, напрыклад, апошні прыжыццёвы партрэт Карла Марыі фон Вебера пэндзля Джона Коўза, і каля 10 000 літаграфаваных партрэтаў, фатаграфій і інш.). Больш за 600 000 экспанатаў налічвае збор канцэртных праграмак з 1730 г. да сённяшняга дня.

Джон Коўз. Партрэт Карла Марыі Вебера са збору Каралеўскага каледжа музыкі.

Вядомыя выкладчыкі

• Джэні Лінд
• Х'юберт Пэры
• Чарлз Вільерс Стэнфард

Вядомыя студэнты

• Джон Айрленд, кампазітар
• Томас Ален, оперны спявак
• Артур Бліс, кампазітар
• Джуліян Брым, гітарыст і лютніст
• Бенджамін Брытэн, кампазітар
• Джэймс Голуэй, флейтыст
• Юджын Гусенс, дырыжор
• Эн Дадлі, кампазітар
• Бары Дуглас, піяніст
• Колін Дэвіс, дырыжор
• Ванеса-Мэй, скрыпачка, кампазітар
• Гвінет Джонс, спявачка
• Тэа Кінг, кларнетыстка
• Сэмюэл Кольрыдж-Тэйлар, кампазітар
• Джон Ліл, піяніст
• Невіл Марынер, дырыжор
• Трэвар Пінак, клавесініст
• Джаан Сазерленд, спявачка
• Леапольд Стакоўскі, дырыжор
• Марк-Энтані Цёрнедж, кампазітар
• Майкл Тыпет, кампазітар
• Ралф Воан Уільямс, кампазітар
• Эндру Лойд Уэбер, кампазітар
• Рык Уэйкман, рок-музыкант
• Джэймс Фрыскін, піяніст і музыкавед
• Густаў Холст, кампазітар

Спасылкі

• Афіцыйны сайт (англ.)