Прагляд зыходнага тэксту старонкі Крывавая нядзеля (1939)

[[Файл:Bundesarchiv_Bild_183-2008-0415-505,_Bromberg,_Leichen_getöteter_Volksdeutscher.jpg|thumb|300px|Салдаты Вермахта і журналісты побач з нямецкімі ахвярамі Крывавай нядзелі. Фота было выкарыстана нацысцкай прэсай і мае прызнакі мантажу, паказваючы толькі частку выявы, прызначаную для публікацыі.]]
{{значэнні|Крывавая нядзеля}}
'''Крыва́вая нядзе́ля''' ({{lang-de|Bromberger Blutsonntag}}; {{lang-pl|Krwawa niedziela}}) — назва, дадзеная нацысцкай прапагандай падзеям у [[Быдгашч]]ы ({{lang-de|Bromberg}}), [[Польшча|польскім]] горадзе са значнай нямецкай меншасцю, паміж 3 і 4 верасня 1939, неўзабаве па [[Польская кампанія 1939 года|нямецкім уварванні ў Польшчу]].

Падзеі пачаліся атакай нямецкіх снайпераў па адыходзячых польскіх войсках, наступнага польскага адказу і, урэшце, забойства ў адплату польскіх закладнікаў ''[[Вермахт]]ам'' і ''Selbstschutz''-ам пасля ўзяцця Быдгашчы. У выніку гэтых падзей загінула як нямецкае, так і польскае грамадзянскае насельніцтва. Польскі [[Інстытут нацыянальнай памяці (Польшча)|Інстытут нацыянальнай памяці]] паведамляе пра 254 непасрэдныя ахвяры [[Лютэранства|лютэранскага]] вызнання (лічацца ахвярамі з нямецкага боку), 86 непасрэдных ахвяр каталіцкага вызнання (лічацца польскай нацыянальнасці) і 20 забітых польскіх салдат. Каля 600—800 палякаў-закладнікаў былі [[Масавае забойства|масава]] расстраляныя пасля падзення горада.

У выніку [[Аперацыя Таненберг|аперацыі «Таненберг»]] пасля захопу Быдгашчы немцы забілі ад 1200 да 3000 грамадзян польскай і яўрэйскай нацыянальнасці. Месца знішчэння стала вядомае пад назвай [[Даліна смерці, Быдгашч|Даліны смерці]]. Сярод забітых быў і прэзідэнт Быдгашчы Леан Барцішэўскі. Пяцьдзясят польскіх ваеннапалонных з Быдгашчы пазней былі ілжыва абвінавачаныя нацысцкім дысцыплінарным судом ''Sondergericht Bromberg'' ва ўдзеле ў «Крывавай нядзелі» і расстраляныя.

Тэрмін «Крывавая нядзеля» быў прыдуманы і распаўсюджаны нацысцкай прапагандай. Інструкцыя для прэсы казала: «…неабходна паказаць навіны пра варварства палякаў у [[Бромберг]]у. Выраз „Крывавая нядзеля“ мусіць увайсці пастаянным тэрмінам у слоўнікі і абысці свет. Дзеля гэтага трэба ўвесь час падкрэсліваць гэты тэрмін».<ref name="Kunert">A. K. Kunert, Z. Walkowski, ''Kronika kampanii wrześniowej 1939'', Wydawnictwo Edipresse Polska, Warszawa 2005, ISBN 83-60160-99-6, p. 35.</ref>

{{Зноскі}}

== Спасылкі ==
{{Commons|Category:}}

[[Катэгорыя:1939 год у Германіі]]
[[Катэгорыя:Польскія ваенныя злачынствы]]
[[Катэгорыя:Злачынствы нацыстаў у Польшчы]]
[[Катэгорыя:Масавыя пакаранні смерцю]]
[[Катэгорыя:Верасень 1939 года]]
[[Катэгорыя:1939 год у Польшчы]]
[[Катэгорыя:Масавыя забойствы ў Польшчы]]
[[Катэгорыя:Праследаванне немцаў]]
[[Катэгорыя:Гісторыя Быдгашча]]
[[Катэгорыя:Канфлікты 1939 года]]