Крыс Бонінгтан

Крыс Бонінгтан
Нараджэнне	6 жніўня 1934(1934-08-06) (90 гадоў) Хампстэд, бора Кэмдэн, графства Вялікі Лондан, Вялікі Лондан, Англія, Вялікабрытанія
Член у	Travellers Club[d]
Адукацыя	University College School[d]
Род войскаў	Брытанская армія[d]
Узнагароды	Founder’s Medal[d] (1974) Livingstone Medal[d]
Медыяфайлы на Вікісховішчы

Сэр Крысціян Джон Сторы Бонінгтан (англ.: Christian John Storey Bonington, нар. 6 жніўня 1934, Хампстэд, Вялікабрытанія) — брытанскі альпініст, фотажурналіст, пісьменнік. Уладальнік самай прэстыжнай узнагароды ў сусветным альпінізме «Залаты ледаруб» (2015) у намінацыі «Кар’ера ў альпінізме» (англ.: Lifetime Achievement Award), які здзейсніў мноства ўзыходжанняў (у тым ліку першых) практычна ва ўсіх рэгіёнах свету. Удзельнік і кіраўнік дзевятнаццаці гімалайскіх экспедыцый, з іх чатырох на Эверэст. Да ліку яго ўнікальных дасягненняў адносяць першае ўзыходжанне на Анапурну II, кіраўніцтва ўзыходжаннямі па паўднёвай сцяне Аннапурны і найскладанейшаму маршруту па паўднёва-заходняй сцяне Эверэста, першае ўзыходжанне на пік Бантха-Брак (Огрэ) у Каракаруме, пік Кангур у Кітаі, Чангабанг, Нупцзэ, Вінсан і многія іншыя.

За свае дасягненні Крыс Бонінгтан быў узнагароджаны Каралеўскім Віктарыянскім ордэнам, ордэнам Брытанскай імперыі, залатым медалём заснавальнікаў Каралеўскага геаграфічнага таварыства і іншымі ўзнагародамі і ганаровымі званнямі. У 1995 годзе атрымаў рыцарскі тытул. Намеснік Лорд-намесніка.

Бонінгтон напісаў амаль два дзясяткі кніг, зняўся (і працягвае здымацца) у шматлікіх тэлевізійных перадачах і дакументальных фільмах, чытаў лекцыі па ўсім свеце для самых розных аўдыторый. Пачынаючы з 1985 года супрацоўнічае з многімі грамадскімі і дабрачыннымі арганізацыямі.