Лі Бён Чхоль
| Лі Бён Чхоль | |
|---|---|
| кар.: 이병철 | |
.jpg) | |
| Нараджэнне |
12 лютага 1910 |
| Смерць |
19 лістапада 1987 (77 гадоў) |
| Жонка | Пак Ду-ыль[d] |
| Дзеці | Лі Гон Хі, Лі Мен Ху[d], Лі Мён Хі[d], Лі Ін Хі[d], Лі Чан Хі[d], Лі Сук Хі[d], Лі Тэ Ві[d], Лі Хё Я[d], Лі Сун Хі[d] і Лі Дэк Хі[d] |
| Адукацыя | |
| Дзейнасць | прадпрымальнік |
 Медыяфайлы на Вікісховішчы | |
Лі Бён Чхоль (кар.: 이병철; 12 лютага 1910 — 19 лістапада 1987) — заснавальнік Samsung Group і адзін з найбольш паспяховых бізнесменаў Паўднёвай Карэі.
Біяграфія[правіць | правіць зыходнік]
Спачатку ён не быў занадта паспяховым. Лі стварыў свой бізнес 1 сакавіка 1938 года, які ён назваў Samsung Trading Co (папярэднік Samsung). Samsung азначае «тры зоркі», што тлумачыць першапачатковы карпаратыўны лагатып.
Да 1945 года «Samsung» перавозіў тавары па ўсёй Карэі і іншых краінах. Кампанія з’явілася ў Сеуле ў 1947 годзе. Гэта была адна з дзесяці найбуйнейшых гандлёвых кампаній. З заваяваннем Сеула паўночнакарэйскай арміяй Лі быў вымушаны перавезці свой бізнес у Пусан. Масавы прыток амерыканскіх войскаў і абсталявання ў Пусан на працягу наступнага года вайны стаў вельмі карысным для транспартнай кампаніі Лі.
У 1961 годзе, калі Пак Чон Хі захапіў уладу, Лі Бён Чхоль быў у Японіі і на працягу некаторага часу ён не вяртаўся ў Паўднёвую Карэю. У рэшце рэшт было падпісана пагадненне і Лі Бён Чхоль вярнуўся, але «Samsung» прыйшлося адмовіцца ад кантролю над набытымі банкамі і прытрымлівацца эканамічных дырэктыў ад урада.
У 1953 годзе ён заснаваў кампанію «Cheiljedang» (Чэіль Чэда; у цяперашні час «CJ Cheiljedang»), якая стала вельмі паспяховай і прыбытковай. Выкарыстаўшы даходы ад «Cheiljedang», ён заклаў шмат іншых кампаній, якія вырабляюць бытавую электроніку і іншыя высокатэхналагічныя тавары.
Пазней у жыцці ён займаў пасаду старшыні Федэрацыі карэйскай прамысловасці і быў вядомы як самы багаты чалавек у Карэі.
Пасля яго смерці яго маёнтак «Хоам» быў адкрыты для публікі і для экскурсій. Яго калекцыя карэйскага мастацтва лічыцца адной з найбуйнейшых і найлепшых прыватных калекцый у краіне, і яна мае шэраг прадметаў мастацтва, якія былі прызнаныя «нацыянальнымі скарбамі» карэйскім урадам. «Хоам» знаходзіцца на невялікай адлегласці ад парку «Everland», самага папулярнага парку забаў у Паўднёвай Карэі («Everland» таксама належыць «Samsung Group»).
