Маніфест гнуткай распрацоўкі

Маніфест гнуткай распрацоўкі, ці Agile manifesto — асноўны дакумент, які змяшчае апісанне каштоўнасцяў і прынцыпаў гнуткай распрацоўкі праграмнага забеспячэння, распрацаваны ў лютым 2001 года на сустрэчы 17 незалежных практыкаў некалькіх методык праграмавання, якія называюць сябе «Agile Alliance».

Тэкст маніфеста даступны на больш чым 50 мовах.

Асноўныя прынцыпы маніфеста

1. Найвышэйшым прыярытэтам з’яўляецца задавальненне патрэб заказчыка, дзякуючы рэгулярнай і ранняй пастаўцы каштоўнага праграмнага забеспячэння.
2. Змяненне патрабаванняў вітаецца, нават на позніх стадыях распрацоўкі.
3. Працуючы прадукт неабходна выпускаць як мага часцей, з перыядычнасцю ад пары тыдняў да пары месяцаў.
4. На працягу ўсяго праекта распрацоўшчыкі і прадстаўнікі бізнесу павінны штодня працаваць разам.
5. Над праектам павінны працаваць матываваныя прафесіяналы. Каб праца была зроблена, стварыце ўмовы, забяспечце падтрымку і цалкам даверцеся ім.
6. Непасрэдныя зносіны з’яўляецца найбольш практычным і эфектыўным спосабам абмену інфармацыяй як з самой камандай, так і ўнутры каманды.
7. Працуючы прадукт — асноўны паказчык прагрэсу.
8. Інвестары, распрацоўшчыкі і карыстальнікі павінны мець магчымасць падтрымліваць пастаянны рытм бясконца.
9. Пастаянная ўвага да тэхнічнай дасканаласці і якасці праектавання павышае гнуткасць праекта.
10. Прастата — мастацтва мінімізацыі лішняй працы — вельмі неабходная.
11. Самыя лепшыя патрабаванні, архітэктурныя і тэхнічныя рашэнні нараджаюцца сярод самаарганізаваных каманд.
12. Каманда павінна сістэматычна аналізаваць магчымыя спосабы паляпшэння эфектыўнасці і адпаведна карэкціраваць стыль сваёй працы.