Матэйс Марыс

Матэйс Марыс
Дата нараджэння	17 жніўня 1839(1839-08-17)[…]
Месца нараджэння	Гаага, правінцыя Галандыя[d], Нідэрланды, Каралеўства Нідэрландаў
Дата смерці	22 жніўня 1917(1917-08-22)[…] (78 гадоў)
Месца смерці	Лондан, Лонданскае графства, Англія, Злучанае каралеўства Вялікабрытаніі і Ірландыі
Грамадзянства	Каралеўства Нідэрландаў
Род дзейнасці	мастак, літограф, майстар афорту, графік
Вучоба	Каралеўская акадэмія прыгожых мастацтваў у Гаазе[d]
Мастацкі кірунак	Гаагская школа жывапісу
Член у	Гаагская школа жывапісу
Медыяфайлы на Вікісховішчы

Матэйс Марыс (нідэрл.: Matthijs Maris; 17 жніўня 1839, Гаага — 22 жніўня 1917, Лондан) — нідэрландскі мастак, літограф і графік.

Жыццё і творчасць

Матэйс Марыс быў сярэднім з трох братоў-мастакоў — Якаба, Матэйса і Вілема Марысаў. Продкі Марысаў былі выхадцамі з Чэхіі, якія перасяліліся ў Нідэрланды ў пачатку XIX стагоддзя. У 1851 годзе Матэйс вучыўся маляваць у мастака І. К. Элінка Стэрка, пры дапамозе якога атрымлівае стыпендыю для вучобы ў гаагскай Каралеўскай акадэміі прыгожых мастацтваў (1852—1855). З 1854 года вучыўся ў Луі Меера. У 1855—1858 гадах ён, разам са старэйшым братам Якабам, вучыцца ў антверпенскай Акадэміі мастацтваў у Нікеза дэ Кейзера.

У 1859 годзе Матэйс і Якаб атрымліваюць ад прынцэсы Марыяны Аранскай-Насау заказ на серыю партрэтаў, што дазволіла ім адкрыць уласную мастацкую майстэрню ў Гаазе, а таксама маляваць у маёнтку Остэрбек, нідэрландскай мастацкай калоніі, падобнай да французскага Барбізона. Першапачаткова Матэйс, як і Якаб, малюе ў стылі старых галандскіх майстроў XVII стагоддзя. Прыблізна ў 1870 годзе ён знаёміцца з творчасцю мастакоў заснаванай Ёзефам Ізраэлсам Гаагскай школы, блізкай па духу мастакам-барбізонцам. Матэйс паступова адыходзіць ад рэалістычнага жывапісу, збліжаецца з імпрэсіяністамі, у яго пазнейшых працах адчуваецца таксама відавочны ўплыў мастакоў-прэрафаэлітаў і сімвалізму.