Мікалай Уладзіслаў Пшаздзецкі

Мікалай Уладзіслаў Пшаздзецкі
Герб «Рох III»
11-ы Кашталян новагародскі 1677 — 1683
Папярэднік	Крыштаф Есьман
Пераемнік	Аляксандр Война-Ясянецкі
Нараджэнне	1620(1620)
Смерць	11 кастрычніка 1683(1683-10-11)
Род	Пшаздзецкія
Бацька	Пётр Павел Пшаздзецкі

Мікалай Уладзіслаў Пшаздзецкі (1620 — 11 кастрычніка 1683) — дзяржаўны дзеяч ВКЛ. Маршалак Трыбунала ВКЛ ў 1683 годзе.

Біяграфія

З роду Пшаздзецкіх герба «Рох III», сын Пятра Паўла Пшаздзецкага.

Удзельнічаў у вайне Расіі з Рэччу Паспалітай 1654—1667.

Стольнік упіцкі ў 1658—1666 гадах, стольнік ашмянскі ў 1666—1667 гадах, харунжы ашмянскі ў 1667—1670 гадах. Падваявода віленскі ў 1668—1669 гадах. Маршалак ашмянскі з 1670 года. Кашталян новагародскі з 1677 года.

Пасол на соймы 1665—1676 гадоў, маршалак Трыбунала ВКЛ у 1683 годзе.

Літаратура

• Вяроўкін-Шэлюта У. Пшаздзецкія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 477. — 792 с. — ISBN 985-11-0378-0 (т. 2), ISBN 985-11-0315-2.