Наталля Рыгораўна Кухарэнка

Наталля Рыгораўна Кухарэнка
Наталля Рыгораўна Кухарэнка
Дата нараджэння	26 снежня 1909
Месца нараджэння	Балотня, Рагачоўскі павет, Магілёўская губерня, Расійская імперыя;
Дата смерці	26 лістапада 1992 (82 гады)
Месца смерці	Ніканаўскае[d], сельскае паселішча Ніканаўскае[d], Раменскі раён[d], Маскоўская вобласць, Расія;
Месца пахавання	Ніканаўскае[d];
Узнагароды і прэміі

Наталля Рыгораўна Кухарэнка (26 снежня 1909, в. Балотня, Рагачоўскі раён, Гомельская вобласць — 26 лістапада 1992, Расія) — работнік сельскай гаспадаркі (даярка), Герой Сацыялістычнай Працы (1954).

Біяграфія

Рана засталася сіратой, таму яшчэ падлеткам была вымушана працаваць нароўні з дарослымі. Некаторы час знаходзілася ў Ленінградзе, потым вярнулася на радзіму і чатыры гады працавала ў мясцовым саўгасе. У 1938 годзе пераехала ў Падмаскоўе і стала даяркай на малочнатаварнай ферме племзавода «Ніканаўскае» Бронніцкага (з 1965 года Раменскага) раёна Маскоўскай вобласці.

У 1951 годзе яна надаіла ад кожнай каровы ў сярэднім па 6992 кілаграмаў малака з утрыманнем 237 кілаграмаў малочнага тлушчу, у той час калі сярэдні надой па ферме склаў 6477 кілаграмаў малака на фуражную карову.

У наступныя гады Наталля Рыгораўна працягвала атрымліваць высокія надоі, шмат разоў з’яўлялася ўдзельніцай Выстаўкі дасягненняў народнай гаспадаркі (ВДНГ) СССР, узнагароджвалася медалямі і была прэміравана аўтамашынай «Победа».

Выбіралася дэпутатам Маскоўскага абласнога, Раменскага раённага і Ніканаўскага сельскага Саветаў дэпутатаў працоўных.

Узнагароды

Указам Прэзідыума Вярхоўнага Савета СССР ад 8 сакавіка 1954 г. за дасягненне высокіх паказчыкаў у жывёлагадоўлі ў 1951 г. Наталлі Рыгораўне Кухарэнка было прысвоена званне Героя Сацыялістычнай Працы з уручэннем ордэна Леніна і залатога медаля «Серп і Молат». Узнагароджана сямю медалямі ВДНГ СССР.

Зноскі

Літаратура

Край Раменский. Век XX : Очерки краеведа / М. Г. Аверьянова; журнал «Студенческий меридиан» и др. — Москва, 1998. — С. 177.