Магілёўская губерня

Магілёўская губерня
Могилевская губернія
Герб
Краіна	Расійская імперыя
Уваходзіць у	Расійская імперыя (1772—1917) Заходняя вобласць (1917—1918) Савецкая Сацыялістычная Рэспубліка Беларусі (1919—1919) РСФСР (1919—1919)
Адміністрацыйны цэнтр	Магілёў
Дата ўтварэння	28 мая (8 чэрвеня) 1772
Дата скасавання	11 ліпеня 1919
Насельніцтва	1 686 764 чал. (1897)
Магілёўская губерня на Вікісховішчы

Герб Магілёўскай губерні 1880

Герб Магілёўскай губерні 1878

Магілёўская губерня (руск.: Могилёвская губерния) — губерня Расійскай імперыі.

Гісторыя

Створана ў 1772 г. пасля першага падзелу Рэчы Паспалітай. Першапачаткова ў склад Магілёўскай губерні ўваходзілі правінцыі:

• Магілёўская;
• Мсціслаўская;
• Аршанская;
• Рагачоўская.

Карта Магілёўскага намесніцтва 1792 года

У 1777 г. Магілёўская губерня была падзеленая на 12 паветаў:

• Аршанскі;
• Бабінавіцкі;
• Беліцкі;
• Клімавіцкі;
• Копыскі;
• Магілёўскі
• Мсціслаўскі
• Рагачоўскі;
• Сенненскі;
• Старабыхаўскі;
• Чавускі;
• Чэрыкаўскі.

У 1778 г. губерня перайменавана ў Магілёўскае намесніцтва, якое ў 1796 г. скасавана, а паветы ўвайшлі ў склад Беларускай губерні; Бабінавіцкі, Клімавіцкі, Копыскі, Старабыхаўскі паветы скасаваныя. У 1802 г. Магілёўская губерня адноўленая ў складзе ранейшых 12 паветаў. У 1840 г. Бабінавіцкі павет скасаваны, у 1852 г. Беліцкі павет пераіменаваны ў Гомельскі, Старабыхаўскі — у Быхаўскі, у 1861 г. Копыскі — у Горацкі паветы.

У 1897 г. тэрыторыя губерні складала 42 134 вярсты², насельніцтва 1708 тыс. чал.

Карта Магілёўскай губерні 1821 года

У верасні 1917 г. расійскі ўрад улучыў землі губерні ў склад Заходняй вобласці, у студзені 1919 г. далучыў да БССР, з лютага — да РСФСР. 11 ліпеня 1919 г. Магілёўская губерня была скасаваная, 9 яе паветаў увайшлі ў Гомельскую губерню, Мсціслаўскі павет перададзены Смаленскай, Сенненскі павет — Віцебскай губерні. У 1938 г. годзе з цэнтрам у Магілёве створана Магілёўская вобласць.

Губернатары

• Міхаіл Васілевіч Кахоўскі (1773—1779)
• Пётр Багданавіч Пасек (1779—1781)

Прадстаўнікі дваранства

• Спіс дваранскіх родаў Магілёўскай губерні

Вядомыя асобы

• Міхаіл Сяргеевіч Кацар
• Філіп Цімафеевіч Шаўцоў
• Міхаіл Восіпавіч Без-Карніловіч
• Іван Пятровіч Сазановіч
• Кірыл Фаміч Тамашэвіч
• Мікалай Канстанцінавіч Гюбенет

Літаратура

• Раюк, А.Р. Нефармальныя сувязі паміж дваранствам Магілёўскай губерні ў 1772—1863 гг. / А.Р. Раюк, І.М. Рыжанкоў // Гісторыя Магілёва: мінулае і сучаснасць : зборнік навуковых прац удзельнікаў VIII Міжнародн. навук.-практычн. канф., Магілёў, 26-27 чэрв. 2013 г. / уклад. А.М. Бацюкоў, І.А. Пушкін. — Магілёў : УА МДУХ, 2013. — С. 314—319.
• Раюк, А.Р. Практыка азначэння Магілёўскай губерні ў афіцыйным справаводстве ў 1772–1917 гг. / А.Р. Раюк // Гісторыя Магілёва: мінулае і сучаснасць : зборнік навуковых прац удзельнікаў ІХ Мінарод. навук.-практ. канф., Магілёў, 25-26 чэрвен. 2015 г. / уклад. А.М. Бацюкоў, І.А. Пушкін. — Магілёў : УА МДУХ, 2015. — С. 53—59.

Спасылкі

• Мапы і спісы населеных месцаў Магілёўскай губерні

• На Вікісховішчы ёсць медыяфайлы па тэме Магілёўская губерня