Нацыянальная асамблея Венесуэлы

Нацыянальная Асамблея (ісп.: Asamblea Nacional) — аднапалатны заканадаўчы орган (парламент) Венесуэлы, які складаецца з 277 дэпутатаў. З’явіўся ў адпаведнасці са 186-м артыкулам I часткі V раздзела Канстытуцыі 1999 года, замяніўшы папярэдні двухпалатны парламент — Кангрэс Рэспублікі (ісп.: Congreso de la República). Парламент Венесуэлы мае свой тэлеканал пад назвай «Тэлебачанне Нацыянальнай асамблеі» (ісп.: Asamblea Nacional Televisión), які вяшчае з 12 сакавіка 2005 года ў дэцыметровым дыяпазоне, у кабельных сетках і праз спадарожнік.