Прагляд зыходнага тэксту старонкі Пераліўніца малая

{{Таксон
| name         =  
| image file   = 
| image descr  = 
| regnum       = Жывёлы
| latin        = Apatura ilia
| parent =Apatura
| author       = [[Denis]] & [[Schiffermuller]], 1775
| rang = Від
| wikispecies  =  Apatura ilia
| commons      =  Category:Apatura ilia
| iucnstatus =
| iucn =
| itis = 
}}
'''Пераліўніца малая''' (''Apatura ilia'') — дзённы [[Матылі|матылёк]] роду {{bt-bellat|Пераліўніцы|Apatura}} сямейства {{bt-bellat|Німфаліды|Nymphalidae)}}. Ілія ў рымскай міфалогіі) — Рэя Сільвія, маці [[Ромул і Рэм|Ромула]] і [[Ромул і Рэм|Рэма]], родапачынальніца рымлян.

== Апісанне ==
Размах крылаў 60—80 мм. Верхні бок крылаў чорна-буры, у самца з ярка-фіялетавым адлівам, у самкі светла-буры без адліву. Пералівы ствараюцца не сінім фарбавальнікам, а структурнымі афарбоўкамі, якія абумоўлены частковым адлюстраваннем сіняга складніку спектру святла. [[самка|Самкі]] буйней [[самец|самцоў]]. Пярэднія крылы з белымі плямамі, заднія з белай перавязкай, цёмныя вочкі акружаныя аранжавай аблямоўкай і на верхніх, і на ніжніх крылах . Ніжні бок крылаў — фіялетава-буры, адсутнічае белы зубчык на перавязцы.

== Арэал ==
Цэнтральная, [[Паўднёвая Еўропа|Паўднёвая]] і [[Усходняя Еўропа]], [[Каўказ]] і [[Закаўказзе]], [[Паўднёвы Урал]], паўночны захад [[Казахстан]]а, Усходняе [[Забайкалле]], [[Прыамур’е]] (на поўнач ад Зейскага запаведніка, верхняга цячэння ракі [[Бурэя (рака)|Бурэя]], Марыінскага<ref>''Дубатолов В. В., Мутин В. А., Новомодный Е. В., Долгих А. М.'' 2010. Пределы распространения дневных чешуекрылых (Insecta, Lepidoptera: Hesperioidea, Papilionoidea) суббореального и южных представителей температного комплекса в Нижнем Приамурье // Амурский зоологический журнал. Т. 2. № 3. С. 253—275.</ref>), Прымор’е, [[Кітай]], [[Карэя]], [[Японія]].

Від жыве ў лясным і [[лесастэп]]авых паясах Усходняй Еўропы. На паўночным усходзе мяжу арэала можна правесці ад [[Ленінградская вобласць|Ленінградскай вобласці]] Расіі на ўсход да Паўднёвага Урала. Сустракаецца па ўсёй [[Польшча|Польшчы]], [[Славакія|Славакіі]], [[Венгрыя|Венгрыі]], [[Румынія|Румыніі]], [[Беларусь|Беларусі]]. На [[Украіна|Украіне]] не адзначаны толькі ў сярэдне-стэпавай і сухастэпавай падзонах стэпавай зоны і ў [[Крым]]у. У Расіі арэал распасціраецца ад [[Сярэднярускае ўзвышша|Сярэднярускага ўзвышша]] і Паўднёвага Урала, на поўдзень да [[Каўказ]]а, дзе вядомыя знаходкі віду ў [[Растоўская вобласць|Растоўскай вобласці]] ля [[Таганрог]]а і станіцы Яфрэмава-Сцяпанаўскай, на поўдні [[Стаўрапольскі край|Стаўрапольскага края]] і поўначы [[Кабардзіна-Балкарыя|Кабардзіна-Балкарыі]], паўночнай часткі чарнаморскага ўзбярэжжа і [[Адыгея|Адыгеі]], у цэнтральнай частцы Волга-Ахтубінскай поймы ў [[Астраханская вобласць|Астраханскай вобласці]].

Адсутнічае ў [[Паўночная Германія|Паўночнай Германіі]], [[Міжземнамор’е|Міжземнаморскай вобласці]], [[Скандынавія|Скандынавіі]] і [[Англія|Англіі]]. Невялікія папуляцыі ў [[Іспанія|Іспаніі]], [[Партугалія|Партугаліі]].

== Час лёту і месцапражыванні ==
У Еўропе — з ліпеня да пачатку жніўня. У [[еўрапейская частка Расіі|Еўрапейскай частцы Расіі]] ў чэрвені—ліпені. На поўдні арэала або ў гарачыя гады ў канцы жніўня і верасні могуць з’яўляцца матылі другога пакалення. Лётае па берагах рэк і ручаёў, на палянах і ўзлесках [[шыракалістыя лясы|шыракалістых]] і [[змяшаны лес|змяшаных лясоў]], у вярбовых зарасніках. У горы не падымаецца вышэй за 1000 м над узр. м.

[[Самец|Самцы]] часта ўтвараюць скапленні па берагах лужын, ручаёў або на экскрыментах буйных жывёл, прыцягваюцца чалавечым потым. [[Самка|Самкі]] вядуць схаваны спосаб жыцця, трымаюцца ў асноўным у кронах дрэў і вельмі рэдка спускаюцца пад полаг лесу.

== Вусень і кукалка ==
Стадыя вусеня са жніўня да чэрвеня. [[Вусень]] аналагічны [[Пераліўніца вялікая|пераліўніцы вялікай]], адрозніваецца толькі чорным колерам ражкоў на галаве. Зімуюць вусені. Кармавыя расліны: {{bt-bellat||Populus alba}}, {{bt-bellat|ясакар|Populus nigra}}, {{bt-bellat|асіна|Populus tremula}}, {{bt-bellat|вярба белая|Salix alba}}, {{bt-bellat|брэднік|Salix caprea}}, {{bt-bellat|вярба размарыналістая|Salix rosmarinifolia}}, {{bt-bellat|лаза прырэчная|Salix viminalis}}.

Стадыя [[Кукалка|кукалкі]] доўжыцца звычайна 2—3 тыдні.

== Заўвагі па ахове ==
Уключаны ў Чырвоныя кнігі: [[Латвія|Латвіі]] (1998) (2 катэгорыя), [[Смаленская вобласць|Смаленскай вобласці]] ў Расіі (1997) (4 катэгорыя), Усходняй [[Фенаскандыя|Фенаскандыі]] (1998), Германіі (4 катэгорыя). Лімітуючыя фактары: агульнае пагаршэнне экалагічнай абстаноўкі ў натуральных месцах пражывання.

== Крыніцы ==
{{крыніцы}}
{{Бібліяінфармацыя}}
[[Катэгорыя:Жывёлы, апісаныя ў 1775 годзе]]
[[Катэгорыя:Насякомыя Еўразіі]]
[[Катэгорыя:Німфаліды]]