Прагляд зыходнага тэксту старонкі Першы Венскі арбітраж

{{Гл. таксама|Венскі арбітраж}}
{{Дагавор}}
'''Першы Венскі арбітраж''' быў праведзены 2 лістапада [[1938]] года ў [[Вена|Вене]], у [[Бельведэр (Вена)|Бельведэрскім палацы]] міністрамі замежных спраў [[Трэці рэйх|Германіі]] — [[Іаахім фон Рыбентроп|І. Рыбентропам]] і [[Італія|Італіі]] — [[Галеаца Чыяна|Г. Чыяна]], для вырашэння «венгерскага пытання» ў [[Чэхаславакія|Чэхаславакіі]]. Неабходнасць тэрміновага ўрэгулявання чэхаславацка-венгерскага нацыянальна-тэрытарыяльнага канфлікту была прапісана ў [[Мюнхенскае пагадненне 1938 года|Мюнхенскім пагадненні]], падпісаным 30 верасня 1938 года.

Падчас Першага Венскага арбітражу арбітры з [[Трэці рэйх|нацысцкай Германіі]] і [[Фашызм|фашысцкай]] [[Італія|Італіі]] шукалі спосаб негвалтоўнага задавальнення тэрытарыяльных прэтэнзій [[Венгрыя|Венгрыі]], звязаных з пераглядам [[Трыянонскі дагавор|Трыянонскага дагавора]] 1920 года.

У выніку Першага Венскага арбітражу ад Чэхаславакіі былі аддзелены і перададзены Венгрыі паўднёвая частка [[Карпацкая Русь|Карпацкай Русі]] і раёны паўднёвай [[Славакія|Славакіі]], населеныя пераважна венграмі. Такім чынам Венгрыя вярнула частку тэрыторый, страчаных у выніку распаду [[Аўстра-Венгрыя|Аўстра-Венгрыі]] пасля [[Першая сусветная вайна|Першай сусветнай вайны]]. Агульная плошча перададзеных Венгрыі тэрыторый склала 12 400 км.кв., дзе пражывала звыш 1 млн чал. Дэлімітацыя чэхаславацка-венгерскай граніцы, якая прайшла ў лістападзе 1938 — сакавіку 1939 г., вызначыла толькі яе славацкі ўчастак, што дазволіла Венгрыі, пасля абвяшчэння незалежнасці Славакіі 14 сакавіка 1939 г. (дэ-факта распаду Чэхаславакіі), пачаць акупацыю астатняй часткі Карпацкай Русі.

[[Парыжская мірная канферэнцыя 1947 года]] абвясціла рашэнні Першага Венскага арбітражу юрыдычна несапраўднымі.<ref>[http://www.rsijournal.net/chexoslovacko-vengerskie-peregovory-v-noyabre-1938-marte-1939-g-realizacii-venskogo-arbitrazhnogo-resheniya/ Чехословацко-венгерские переговоры в ноябре 1938 — марте 1939 г. реализации Венского арбитражного решения | Исторический журнал "Российские и славянские исследования …<!-- Заголовок добавлен ботом -->] {{Архівавана|url=https://web.archive.org/web/20110916203152/http://www.rsijournal.net/chexoslovacko-vengerskie-peregovory-v-noyabre-1938-marte-1939-g-realizacii-venskogo-arbitrazhnogo-resheniya/ |date=16 верасня 2011 }}</ref>

{{зноскі}}

[[Катэгорыя:Дагаворы Другой сусветнай вайны]]
[[Катэгорыя:Міжнародныя дагаворы Венгрыі]]
[[Катэгорыя:Гісторыя Чэхаславакіі]]
[[Катэгорыя:Дагаворы паводле алфавіта]]
[[Катэгорыя:Гісторыя Венгрыі]]