Работніцка-сялянская Беларусь
| «Работніцка-сялянская Беларусь» | |
|---|---|
| Арыгінальная назва |
Работніцка-сялянская Беларусь |
| Тып | газета |
| Краіна | |
| Галоўны рэдактар | Зміцер Жылуновіч |
| Заснавана | 4 ліпеня 1920 |
| Спыненне публікацый | 25 верасня 1920 |
| Мова | беларуская |
.svg){kind=small}
«Работніцка-сялянская Беларусь» – вячэрняя штодзённая насценная газета Захфронтроста. Выдавалася 4 ліпеня – 25 верасня 1920 г. пераважна ў Менску на беларускай мове. Рэдактар З.Жылуновіч (Ц.Гартны). Пачала выходзіць у час ліпеньскай аперацыі савецкай-польскай вайны 1920 г. Выконвала ролю масавага агітатара і палітычнага выхавальніка малапісьменнага чытача: адметнасць стылю, кароткая перадавіца, сціслыя фразы, буйны шрыфт; друкавалася на адной старонцы газетнага аркуша. Мела рубрыкі: «Абарона савецкіх рэспублік», «Весткі з заграніцы», «На Беларусі» і інш. Змяшчала аператыўныя звесткі з франтоў, асвятляла ход ваенных дзеянняў і этапы мірных перагавораў з Польшчай, міжнароднага становішча і акцыі салідарнасці з Савецкай Расіяй у Англіі, Францыі і інш. краінах. Надрукавала вершы З.Бядулі (пад псеўд. Вольны) і А.Бабарэкі (пад псеўд. Адам Чырвоны). Выйшла 46 нумароў.
Літаратура
[правіць | правіць зыходнік]- Герасімаў, В. «Работніцка-сялянская Беларусь» / Валерый Герасімаў // Энцыклапедыя гісторыі Беларусі: У 6 т. / БелЭн; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. Т. 6. Кн. 1: Пузыны — Усая. — Мн.: БелЭн, 2001. — 591 с.: іл. — С. 26—27. — ISBN 985-11-0214-8.