Рэвальвер Colt Detective Special
| Рэвальвер Colt Detective Special | |
|---|---|
 | |
| Апісанне | |
| Тып: | Рэвальвер |
| Краіна: | ЗША |
| Гісторыя мадэлі | |
| Стварэнне прататыпу: | 1927 год |
| Усяго выраблена: | больш 1 500 000 |
| Характарыстыкі | |
| Маса, кг: | 0.59 кг |
| Даўжыня, мм: | 171 мм |
| Даўжыня ствала, мм: | 54 мм |
| Калібр, мм: | .38 |
| Патроны: | .38Spl |
| Боезабеспячэнне: | убудаваны барабанны магазін на 6 патронаў |
| Характарыстыкі пры выкарыстанні стандартнага патрона | |
Colt Detective Special — цэльнарамны з вугляродзістай сталі кароткаствольны шасцізарадны рэвальвер з УСМ падвойнага дзеяння, у асяроддзі прыхільнікаў стралковай зброі адносіцца да класа «snubnosed», «snubbies» (бел.: «кірпаты») або «belly guns» (бел.: літар. «зброя за пазухай»). Як вынікае з назвы Detective Special, зброя такога класа арыентавана на ўтоенае нашэнне і ўжыванне пераважна паліцыянтамі, апранутымі ў грамадзянскае — дэтэктывамі а таксама супрацоўнікамі спецслужб. Упершыню прадстаўлены ў 1927 годзе рэвальвер не быў падобны на існыя тады на рынку іншыя ўзоры стралковай зброі утоенага нашэння, якія мелі пераломную раму і маглі страляць маламагутнымі патронамі або былі больш рэвальвераў з укарачальным ствалом і дзяржальняй. Detective Special, магчыма, стаў першым цэльнарамным рэвальверам вышэйшага класа, з самага пачатку распрацоўкі прыстасаваным для ўтоенага нашэння, прызначаным для стральбы зараджаным у адкідны налева барабан патронам .38Spl, прызнаным адным з самых магутных патронаў 1920-х гадоў.
Гісторыя
[правіць | правіць зыходнік]Папярэднік Detective Special — рэвальвер Colt Police Positive Special пад патрон .38 Special, які меў кампактную рамку. Джон Генры Фітцджэральд, які працаваў у кампаніі Colt Firearms, у 1920-я гады распрацаваў канцэпт кароткаствольнага «кірпатага» рэвальвера, які прадстаўляў мадыфікацыю Police Positive Special: яна заключалася ў пакарачэнні ствала да 2 цаляў (каля 51 мм), пакарачэнні дзяржальні з закругленнем вострых кутоў знізу, выдаленні спіцы курка і пярэдняй часткі спускавой клямары[1]. Дзякуючы змененаму выгляду ўдарніка і дзяржальні зброю можна было лёгка схаваць пад пінжаком, а імавернасць яго выяўлення пры ператрусе зводзілася да мінімуму; брак спіцы курка дазваляў дастаць зброю без рызыкі зачапіцца за вопратку, а брак спускавой клямары дазваляў лягчэй націскаць на спускавы кручок не толькі людзям, у якіх былі доўгія і тоўстыя пальцы рук, але і тым, хто насіў пальчаткі.
Выкарыстанне
[правіць | правіць зыходнік]Дзякуючы добрым схавальным якасцям рэвальвера, Colt Detective Special выкарыстоўваўся як зброя ў асноўным паліцэйскімі дэтэктывамі ў цывільным, хоць ён таксама быў папулярнай пазаслужбовай і рэзервовай агнястрэльнай зброяй сярод паліцэйскіх у форме. Яго выкарыстоўвалі целаахоўнікі для асабістай абароны і спартыўнай стральбы.
Colt Detective Special быў папулярнай зброяй да часу калі паўаўтаматычныя пісталеты замянілі рэвальвер у многіх паліцэйскіх упраўленнях, урадавых установах і ўзброеных сілах.
Крыніцы
[правіць | правіць зыходнік]- ↑ Association, National Rifle. An Official Journal Of The NRA | The Fitz Special (англ.). An Official Journal Of The NRA. Праверана 26 кастрычніка 2023.
