Саслан Маратавіч Гатагаў

Саслан Гатагаў
Поўнае імя	Саслан Маратавіч Гатагаў
Нарадзіўся	29 верасня 1992(1992-09-29) (32 гады) Уладзікаўказ, Паўночна-Асецінская ССР, Расія
Грамадзянства	Расія
Рост	182 см
Вага	70 кг
Пазіцыя	абаронца
Інфармацыя пра клуб
Клуб	завяршыў кар’еру
Маладзёжныя клубы
2003—2010 Лакаматыў (Масква)
Клубная кар’ера
2010—2012 Лакаматыў (Масква) 0 (0) 2012—2014 Спартак (Масква) 5 (0) 2015 Уліс (Ерэван) 8 (0) 2016—2017 Тарпеда-БелАЗ (Жодзіна) 8 (0)

Саслан Гатагаў (нар. 29 верасня 1992, Уладзікаўказ, Расія) — былы расійскі футбаліст, абаронца.

Клубная кар’ера

Разам з братам Аланам пачынаў займацца футболам у школе маскоўскага «Лакаматыва». Выступаў за моладзевую каманду клуба, але ў асноўную каманду так і не здолеў прабіцца.

У 2012 годзе ў якасці свабоднага агента перайшоў у «Спартак». Дэбютаваў за новую каманду ў Прэм'ер-лізе 8 красавіка 2012 года ў матчы супраць «Кубані» (2:0). Да канца сезону 2011/12 згуляў яшчэ ў трох матчах.

11 жніўня 2012 года ў матчы з «Зенітам» атрымаў цяжкую траўму, з-за якой выбыў на доўгі тэрмін. Улетку 2014 разарваў кантрат са «Спартаком». На поле ж вярнуўся толькі ў пачатку 2015 года ў якасці іграка армянскага «Уліса», з якім выйграў срэбраныя медалі чэмпіянату Арменіі. З лета 2015 года зноў знаходзіўся без клуба.

У жніўні 2016 года падпісаў кантракт з беларускім клубам «Тарпеда-БелАЗ». У складзе жодзінцаў неўзабаве замацаваўся ў аснове. З-за траўм не здолеў прайсці паўнавартасную падрыхтоўку да сезону 2017, у выніку ў пачатку года выступаў за дубліруючы склад. 15 мая выйшаў на замену ў канцы матчу супраць гродзенскага «Нёмана», а на наступны дзень пакінуў «Тарпеда-БелАЗ», пасля чаго завяршыў кар’еру.

Дасягненні

• 02 Срэбраны прызёр чэмпіянату Расіі: 2011/12
• 02 Срэбраны прызёр чэмпіянату Арменіі: 2014/15