Сафі Сюш
| Сафі Сюш | |
|---|---|
 | |
| Дата нараджэння | 15 кастрычніка 1847[1][2] |
| Месца нараджэння |
|
| Дата смерці | 20 сакавіка 1917[1][2] (69 гадоў) |
| Месца смерці |
|
| Грамадзянства | |
| Прафесія | акцёрка, спявачка |
 Медыяфайлы на Вікісховішчы | |
Хедвіг Караліна Сафі Сюш (швед. Hedvig Carolina Sophie Cysch, народжаная Віберг (швед. Wiberg); 15 кастрычніка 1847 — 20 сакавіка 1917) — шведская спявачка (мецца-сапрана) і тэатральная актрыса, часта выконвала галоўныя ролі ў аперэтах, як у Стакгольме, так і у Гётэбаргу. Вялікую вядомасць ёй прынесла выкананне галоўнай ролі ў шведскай версіі п’есы Жака Афенбаха «Прыгожая Алена».
Біяграфія[правіць | правіць зыходнік]
Нарадзілася ў Стакгольме 15 кастрычніка 1847 года і ў сям’і наглядчыка Карла Эрыка Віберга і Ганны Элісабет Седэрстрэм. Яна наведвала балетную школу Андэрса Селіндэра з 1857 года і школу Каралеўскага тэатра з 1863 года. Увесну 1866 года яна дэбютавала ў гётебаргскім Новым тэатры (швед. Nya Teatern) у ролі Лауры ў п’есе Б’ёрнстэрнэ Б’ёрнсана «Маладыя» (швед. De Nygifte), а з 1867 года выступала ў новаўтвораным стакгольмскім Шведскім тэатры, дзе з самага пачатку мела рэпутацыю адной з самых таленавітых актрыс. Яна грала ў Каралеўскім тэатры 1872 па 1877 год. Пасля вучобы ў Парыжы ў 1877—1879 гадах Сафі выступала ў розных тэатрах Гётэбарга і Стакгольма з 1880 па 1888 год. У 1882 годзе яна выйшла замуж за аптовага гандляра Карла Тэадора Сюша (1853—1903).
На сцэне Сафі хутка заваявала папулярнасць, выконваючы партыі мадам Тальен у «Закаханым ільве» Франсуа Пансара і Розы ў яго ж «Гонары і грошах». Яна таксама гуляла ролі ў спектаклях па шэкспіраўскім творах: Гера у п’есе «Шмат шуму з нічога», Джульеты ў «Рамэа і Джульеце» і Кардэлія ў «Каралі Лір». Сафі набывала ўсё большую папулярнасць у якасці аперэтачнай спявачкі, асабліва дзякуючы сваёй загалоўнай ролі ў п’есе Афенбаха «Прыгожая Алена».
Пасля замужжа Сюш завяршыла сваю актыўную кар’еру актрысы, але падтрымлівала тэатральную прадзюсарскую кампанію, якую яна заснавала разам са сваім мужам. У жніўні 1882 года яна выканала загалоўную ролю ў «Лілі» Эрвэ ў тэатры Юргордстэтэрн у Стакгольме, што прынесла іх прадпрыемству значны поспех. Спектакль працягваў ісці ўсю восень і ўсю зіму ў тэатры Сёдра. Пазней яна выступала ў пастаноўках «Выдатнай Галатаў» Зупэ і «Жырафле-Жырафлі» Лекока. Дзякуючы сваім поспехам яна стала вядомая як «шведская Жудзік» ад імя французскай аперэтачнай спявачкі Ганны Жудзік.
Зноскі
Спасылкі[правіць | правіць зыходнік]
На Вікісховішчы ёсць медыяфайлы па тэме Сафі Сюш
Слоўнікі і энцыклапедыі |
|---|
