Фідэль Кастра Дыяс-Баларт

Фідэль Кастра Дыяс-Баларт
ісп.: Fidel Castro Díaz-Balart
Дата нараджэння	1 верасня 1949(1949-09-01)
Месца нараджэння	Гавана, Republic of Cuba[d]
Дата смерці	1 лютага 2018(2018-02-01) (68 гадоў)
Месца смерці	Гавана, Гавана, Куба
Грамадзянства	Куба
Бацька	Фідэль Кастра
Маці	Mirta Díaz-Balart[d]
Дзеці	Mirta María Castro Smirnova[d]
Род дзейнасці	фізік, палітык, вучоны-ядзершчык
Навуковая сфера	ядзерная фізіка
Альма-матар	МДУ Варонежскі дзяржаўны ўніверсітэт[d]
Партыя	Камуністычная партыя Кубы
Узнагароды	ганаровы доктар Варонежскага дзяржаўнага ўніверсітэта[d] (2014)
Медыяфайлы на Вікісховішчы

Фідэль Анхель Кастра Дыяс-Баларт (1 верасня 1949, Гавана, Куба — 1 лютага 2018, Гавана, Куба) — кубінскі навуковец-фізік. Доктар фізіка-матэматычных навук (2000). Замежны член НАН Беларусі (2017). Старэйшы сын Фідэля Кастра.

Біяграфія

Скончыў Маскоўскі дзяржаўны ўніверсітэт імя М. В. Ламаносава (1974). У 1974—1978 гг. — у Аб’яднаным інстытуце ядзерных даследаванняў (г. Дубна, Расія), у 1978—1979 гг. — у Інстытуце атамнай энергіі ім. І. В. Курчатава. У 1979—1988 гг. узначальваў кубінскую дэлегацыю пры Савеце эканамічнай узаемадапамогі, у 1985 г. — старшыня Пастаяннай камісіі па мірным выкарыстанні ядзернай энергіі краін — членаў СЭУ. Адначасова ў 1980—1992 гг. — Выканаўчы сакратар Камісіі па атамнай энергіі Рэспублікі Куба, у 1983—1988 гг. — старшыня Камісіі краін-каардынатараў за мірнае выкарыстанне ядзернай энергіі Руху недалучэння. У 1983—1992 гг. — паўнамоцны прадстаўнік Кубы пры МАГАТЭ, кіраўнік кубінскай дэлегацыі на Асамблеі МАГАТЭ. У 1993—2003 гг. — загадчык аддзела навукі і інавацый, кіраўнік дэпартамента навукова-інавацыйнай дзейнасці Міністэрства энергетыкі і прамысловасці Рэспублікі Куба. З 2004 г. — саветнік па навуцы Дзяржаўнага савета Рэспублікі Куба. Адначасова з 2012 г. — віцэ-прэзідэнт Акадэміі навук Кубы, з 2013 г. — паўнамоцны прадстаўнік Кубы пры Аб’яднаным інстытуце ядзерных даследаванняў.

Навуковая дзейнасць

Навуковыя даследаванні ў галіне ядзернай фізікі, нанатэхналогій, энергетыкі, квантавай тэорыі. Аўтар прац па філасофіі навукі, гісторыі навукі і тэхнікі. Унёс уклад у распрацоўку пытанняў навуковай палітыкі, інавацыйнай дзейнасці і кіравання ведамі на Кубе.

Прэмія Хуана Томаса Роіга (2006) за дасягненні ў галіне навукі і тэхнікі.

Аўтар больш за 150 навуковых прац, у тым ліку 12 манаграфій.

Узнагароджаны Ордэнам Карласа Хуана Фінлея (2006).

Спасылкі

• Кастра Дыяс-Баларт Фідэль Анхель у базе данных «Гісторыя беларускай навукі ў асобах» Цэнтральнай навуковай бібліятэкі імя Якуба Коласа НАН Беларусі