Цэле (Германія)
Горад
Цэле
Celle
| ||||||||||||||||||||||||||||||||||||
Цэле (ням.: Celle) — горад на поўначы Германіі, у зямлі Ніжняя Саксонія. Насельніцтва 69 972 чалавек (па стане на 31 снежня 2011). Горад вядомы як «паўднёвая брама» Люнебургскай пусткі і знакаміты сваім Старым горадам з яго чатырма сотнямі фахверкавых дамоў і замкам у стылях рэнесанс і барока.
Гісторыя
[правіць | правіць зыходнік]Цэле ўпершыню згадваецца ў 985 годзе. Ужо ў XI стагоддзі ён атрымаў права чаканіць сваю манету, а ў 1301 годзе атрымаў гарадскія прывілеі. У 1378 Цэле становіцца рэзідэнцыяй герцагаў Заксен-Вітэнбергскіх, а з 1433 — князёў Люнебургскіх. У 1524 горад прымае Рэфармацыю. З 1665 да 1705, у час кіравання герцага Георга-Вільгельма, горад перажывае культурны росквіт. У 1705 годзе, пасля смерці апошняга, Цэле пераходзіць да княства Браўшвайг–Люнебург. У якасці кампенсацыі, ён становіцца месцам знаходжання шэрагу адміністрацыйных устаноў гэтага княства, у тым ліку суд (нават у нашыя дні Зямельны Сацыяльны Суд Ніжняй Саксоніі і Брэмена знаходзіцца ў Цэле).
Славутасці
[правіць | правіць зыходнік]- Стары горад
- Хопенер хаус — сярэднявечны, багатадэкараваны фахверкавы дом
- Замак
- Царква Санкт-Марыен
- Старая ратуша (1579) у стылі Везерскага рэнесансу
Галерэя
[правіць | правіць зыходнік]-
Фахверкавыя дамы ў Старым горадзе
-
Дом Хопенер хаус
-
Старая ратуша
-
Цэле ўзімку
-
Замак Цэле
Гарады-пабрацімы
[правіць | правіць зыходнік]Спасылкі
[правіць | правіць зыходнік]На Вікісховішчы ёсць медыяфайлы па тэме Цэле (Германія)
- Афіцыйная старонка горада Цэле