Ціраспаль (аэрадром)
| Ціраспаль | |||||||
|---|---|---|---|---|---|---|---|
_%D0%92%D0%9F%D0%9F.jpg) | |||||||
| ІАТА: няма — ІКАА: LUTR | |||||||
| Інфармацыя | |||||||
| Краіна | |||||||
| Вышыня НУМ | 231 м | ||||||
| Карта | |||||||
  ' |
|||||||
| Узлётна-пасадачныя палосы | |||||||
|
|||||||
Ціраспаль — ваенны аэрадром у сталіцы Прыднястроўя Ціраспалі. Размешчаны за 1 км на паўночны захад ад Ціраспаля.
Гісторыя
[правіць | правіць зыходнік]У перыяд са жніўня 1940 года па 22 чэрвеня 1941 года на аэрадроме грунтаваўся 45-й бамбавальны авіяцыйны полк на самалётах СБ і Пе-2[1], які ўваходзіў у склад 20-й змешанай авіяцыйнай дывізіі.
На аэрадром 23 чэрвеня 1941 года перабазавалася адна эскадрылля і-16 са складу 168-га знішчальнага авіяцыйнага палка[2], якая 24 чэрвеня прыняла ўдзел у Прыгранічных бітвах першых дзён Вялікай Айчыннай вайны.
У перыяд з 25 лістапада 1945 па 15 сакавіка 1947 года на аэрадроме грунтаваўся 91-й Дэмбіцкі ордэна Багдана Хмяльніцкага II ступені знішчальны авіяцыйны полк са складу 6-й гвардзейскай Донска-Сегедскай Чырванасцяжнай ордэна Суворава знішчальнай авіяцыйнай дывізіі на самалётах Як-3 і Bell P-63 Kingcobra. У сакавіку 1947 года полк быў расфармаваны[2].
На аэрадроме размяшчалася кіраванне і штаб 6-й гвардзейскай Донска-Сегедскай Чырванасцяжнай ордэна Суворава знішчальнай авіяцыйнай дывізіі у перыяд з 17 жніўня 1945 года па кастрычнік 1951 года.
У перыяд з 17 жніўня 1945 года па кастрычнік 1951 года грунтаваўся 73-й гвардзейскі Сталінградска-Венскі Чырванасцяжны ордэна Багдана Хмяльніцкага знішчальны авіяцыйны полк[2] на самалётах Як-3, Bell P-63 Kingcobra і МіГ-15. Перабазаваны ў складзе 6-й гвардзейскай Донска-Сегедскай Чырванасцяжнай ордэна Суворава знішчальнай авіяцыйнай дывізіі ў 24-ю паветраную армію Групы савецкіх войскаў у Германіі.
На замену 6-й гвардзейскай Донска-Сегедскай Чырванасцяжнай ордэна Суворава знішчальнай авіяцыйнай дывізіі з 24-й паветранай арміі Групы савецкіх войскаў у Германіі прыбыла 119-я знішчальная авіяцыйная дывізія, 684-ы гвардзейскі Аршанскі Чырванасцяжны знішчальны авіяцыйны полк, які размяшчаўся на аэрадроме са жніўня 1951 года па 1989 год аж да свайго расфармавання. Полк меў на ўзбраенні МіГ-15, Міг-19, МІГ-21 і МіГ-23М[2].
У перыяд з 1987 па 1990 год на аэрадроме перыядычна грунтаваўся 642-ы гвардзейскі знішчальны авіяцыйны полк на самалётах Міг-27 М, Д і пазней на МіГ-29, перадыслакаваны з аэрадрома Вазьнясенск на перыяд рамонту ВПП свайго аэрадрома.
Да 1989 года выкарыстоўваўся як ваенны аэрадром ВПС СССР. У 1991 годзе пачаліся работы па перапрафіляванні Ціраспальскага аэрадрома ў пасажырскі аэрапорт, які быў бы найбуйнейшым у Прыднястроўі. Гэтыя працы былі прыпыненыя з прычыны адсутнасці фінансавання і палітычнай неўрэгуляванасці статусу Прыднястроўя, што не дазваляла размясціць у Ціраспальскім аэрапорце мытныя і памежныя службы Рэспублікі Малдова і, такім чынам, ажыццяўляць палёты за межы краіны.
Аж да 2012 года на аэрадроме праводзіліся аўтамабільныя гонкі[3]. Аэрадром выкарыстоўваўся для трэніровак перад парадам 2 верасня і 9 мая[4].
У кастрычніку 2012 года прэзідэнт Прыднястроўскай Малдаўскай Рэспублікі Яўген Шаўчук заявіў пра намер стварыць у Ціраспалі на тэрыторыі вайсковага аэрадрома грамадзянскі аэрапорт. Кіраўнік дэлегацыі Дзяржаўнай Думы Расіі Сяргей Гаўрылаў пацвердзіў, што аэрапорт у Тыраспалі будзе рэканструяваны за кошт сродкаў расійскага бюджэту. У тым жа годзе была адноўлена узлётна-пасадачная паласа перад прылётам расійскіх ваенных спецыялістаў.
23 кастрычніка 2012 года расійскі самалёт Ан-72 прызямліўся ў Ціраспалі, што стала першым рэйсам з 1998 года. А 25 кастрычніка 2012 года вылецеў у Кішынёў[5].
10 мая 2016 года прэзідэнт Прыднястроўскай Малдаўскай Рэспублікі пацвердзіў намер пераўтварыць Ціраспальскі аэрадром у грамадзянскі аэрапорт, аднак адзначыў, што «ні Малдова, ні Украіна не гатовыя даць адпаведныя дазволы для таго, каб транзітам пралятаць праз іх тэрыторыю або разгортвацца праз іх тэрыторыю».
Тэхнічныя характарыстыкі
[правіць | правіць зыходнік]Даўжыня бетоннай узлётна-пасадачнай паласы 2500 метраў, шырыня-44 метры.
Крыніцы
[правіць | правіць зыходнік]- ↑ "45-й бомбардировочный авиационный полк - 45-й авиационный полк истребителей дальнего действия".
- ↑ а б в г Анохин, Быков 2014.
- ↑ 12 мая 2012 года на ВПП г. Тирасполя состоится ежегодный Кубок памяти Димы Криворученко. Спортивный автоклуб "Racing Club" (17 красавіка 2012). Архівавана з першакрыніцы 20 чэрвеня 2013. Праверана 19 студзеня 2022.
- ↑ В Тирасполе прошла тренировка парадных расчетов ко Дню Победы (руск.). Информагентство «Новости Приднестровья» (28 красавіка 2017).
- ↑ Российский военно-транспортный самолет прибыл из Тирасполя в Кишинев(недаступная спасылка). moldnews (25 кастрычніка 2012). Архівавана з першакрыніцы 25 лістапада 2015. Праверана 22 снежня 2021.
Літаратура
[правіць | правіць зыходнік]- Анохин В. А., Быков М. Ю. Все истребительные авиаполки Сталина. Первая полная энциклопедия. — Научно-популярное издание. — М.: Яуза-пресс, 2014. — 944 с. — 1500 экз. — ISBN 978-5-9955-0707-9.