Аладкі

Кампаненты
Асноўныя	кляр[d]
Медыяфайлы на Вікісховішчы

Ала́дкі — традыцыйны беларускі мучны выраб.

Пшанічную муку (вышэйшых гатункаў) замешваюць на заквасцы, разведзенай малаком, сыраквашай або сыроваткай. У цеста дадаюць яйкі, масла, соду або дрожджы. Пякуць на змазанай тлушчам патэльні ў гарачым духу печы.

Гатовыя аладкі мажуць маслам, мачаюць у тук, смятану або варэнне, даўней палівалі цёртым макам (найчасцей на Каляды).

Пашыраны па ўсёй тэрыторыі Беларусі. На Палессі аладкамі называлі бліны з таркаванай бульбы.

Літаратура

• Аладкі // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — С. 226. — 10 000 экз. — ISBN 985-11-0035-8. — ISBN 985-11-0036-6 (т. 1).