Аляксей Мікалаевіч Апухцін

Аляксей Мікалаевіч Апухцін
Асабістыя звесткі
Дата нараджэння	15 (27) лістапада 1840
Месца нараджэння	Болхаў, Арлоўская губерня, Расійская імперыя
Дата смерці	17 (29) ліпеня 1893 (52 гады)
Месца смерці	Санкт-Пецярбург, Расійская імперыя
Пахаванне	Літаратарскія масткі[d]
Грамадзянства	Расійская імперыя
Альма-матар	Імператарскае вучылішча правазнаўства[d] (1859)
Прафесійная дзейнасць
Род дзейнасці	паэт, празаік
Гады творчасці	з 1854
Жанр	паэзія
Мова твораў	руская
Подпіс
Медыяфайлы на Вікісховішчы

Аляксей Мікалаевіч Апухцін (руск.: Алексе́й Никола́евич Апу́хтин; 15 [27] лістапада 1840, Болхаў, Арлоўская губерня, Расійская імперыя — 17 [29] ліпеня 1893, Санкт-Пецярбург, Расійская імперыя) — рускі паэт, празаік, чыноўнік.

Біяграфія

Нарадзіўся ў небагатай дваранскай сям’і. Дзяцінства прайшло ў радавым маёнтку бацькі — вёсцы Паўладар. У 1859 годзе скончыў Імператарскае вучылішча правазнаўства, дзе пасябраваў з П. І. Чайкоўскім. Быў адным з рэдактараў «Вучылішчнага весніка». Меў выдатныя адзнакі па ўсіх прадметах.

Па заканчэнні вучылішча служыў у міністэрстве юстыцыі (у адным дэпартаменце з Чайкоўскім).

З 1862 года жыў у сямейным маёнтку ў Арлоўскай губерні, у 1863—1864 гадах лічыўся старшым чыноўнікам асаблівых даручэнняў пры губернатары. Затым вярнуўся ў Пецярбург, дзе паступіў на службу ў міністэрства ўнутраных спраў, некалькі разоў выязджаў за мяжу па службовых патрэбах.

У 1870-х гадах у яго пачалося атлусценне, асабліва цяжкае ў апошнія гады. Незадоўга да смерці захварэў таксама на вадзянку, апошнія дні жыцця правёў практычна дома, з цяжкасцю рухаючыся.

Памёр 17 (29) жніўня 1893 года ў Санкт-Пецярбургу, пахаваны на Мікольскіх могілках. У 1956 годзе прах і помнік перанесены на Літаратарскія масткі Волкаўскіх могілак.

Літаратура

• Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).