Анатоль Пятровіч Кузьмічоў

Анатоль Пятровіч Кузьмічоў
Анатоль Пятровіч Кузьмічоў
Асабістыя звесткі
Дата нараджэння	20 мая 1923
Месца нараджэння	Узлавая, Багародзіцкі павет[d], Тульская губерня, РСФСР, СССР;
Дата смерці	12 чэрвеня 2011 (88 гадоў)
Месца смерці	Мінск, Беларусь;
Грамадзянства	СССР; Беларусь;
Альма-матар	Літаратурны інстытут імя А. М. Горкага;
Прафесійная дзейнасць
Род дзейнасці	пісьменнік, драматург, празаік
Грамадская дзейнасць
Член у	Саюз пісьменнікаў СССР; Саюз беларускіх пісьменнікаў;
Узнагароды

Анатоль Пятровіч Кузьмічоў (20 мая 1923, Узлавая, Тульская вобласць, РСФСР — 12 чэрвеня 2011) — беларускі празаік, драматург. Сябра СП СССР і БССР (1952).

Біяграфія[правіць | правіць зыходнік]

Нарадзіўся ў сям’і чыгуначніка.

У сувязі з набліжэннем фронту восенню 1941 года накіраваўся на ўсход, працаваў рабочым на базе загатзбожжа ў Пугачоўскім раёне Саратаўскай вобласці.

На пачатку 1942 года — літсупрацоўнік рэдакцыі чыгуначнай газеты «Углярка» (г. Узлавая). З мая 1942 года — у арміі. Удзельнічаў у баях як мінамётчык, служыў у карпусной газеце «В бой за Родину!». Ваяваў на Бранскім, Паўднёва-Заходнім і 3-м Украінскім франтах.

У 1947—1956 гадах працаваў у газеце Закаўказскай ваеннай акругі «Ленинское знамя», у 1957—1959 гадах — быў намеснікам галоўнага рэдактара часопіса «Литературная Грузия».

У 1955 годзе скончыў два курсы завочнага аддзялення Літаратурнага інстытута ў Маскве.

З 1967 года жыў у Мінску.

Творчасць[правіць | правіць зыходнік]

Друкавацца пачаў у 1940 года. Пісаў на рускай мове.

Аўтар п’ес «В нашем полку» (пастаўлена ў 1951), «Возвращение» (пастаўлена ў 1953), «Орлиный перевал» (пастаўлена ў 1958).

Выступаў і ў жанры прозы. Выйшлі ў Тбілісі, Маскве аповесці «По свежему следу» (1955), «Смена караулов» (1967), «Первые советские гвардейцы» (1971), раманы «Так наступает весна» (1958), «Юго-Запад» (1962, перавыдадзены ў Менску ў 1976), «Тревога» (1964), «Дети становятся взрослыми» (1965), «Одиннадцатый класс» (1967), «Год службы» (1979).

У Мінску выйшлі раманы «Поле боя» (1979), «Подпольная кличка — Янош» (1987), кнігі прозы «Час переклички» (дакументальная аповесць, 1981), «Ночная проверка» (аповесці, 1982), «Тревога» (раман, аповесці, 1983), «Запечатленные навек» (дакументальная аповесць, 1984).

Узнагароды[правіць | правіць зыходнік]

Узнагароджаны ордэнамі Айчыннай вайны II ступені, Чырвонай Зоркі і медалямі.

Літаратура[правіць | правіць зыходнік]

Кузьмічоў Анатоль Пятровіч // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 565. — 10 000 экз. — ISBN 985-11-0035-8. — ISBN 985-11-0144-3 (т. 8).
Л. С. Савік. Кузьмічоў Анатоль Пятровіч // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1994. — Т. 3. Івашын — Кучар. — С. 446-447. — 585 с.; іл.. — ISBN 5-85700-123-4.