Анатоль Уладзіміравіч Багдановіч

Анатоль Уладзіміравіч Багдановіч
Дата нараджэння	23 лютага 1942(1942-02-23)
Месца нараджэння	Сталяры, Свіслацкі сельсавет, Асіповіцкі раён, Магілёўская вобласць, БССР, СССР
Дата смерці	26 студзеня 2022(2022-01-26) (79 гадоў)
Грамадзянства	СССР  Беларусь
Род дзейнасці	навуковец
Навуковая сфера	эканоміка
Навуковая ступень	кандыдат эканамічных навук
Альма-матар	геаграфічны факультэт БДУ (1964)
Узнагароды	Ганаровая грамата Савета Міністраў Рэспублікі Беларусь (2000) Ганаровая грамата Савета Міністраў Рэспублікі Беларусь (2006)

Анатоль Уладзіміравіч Багдановіч — беларускі вучоны ў галіне рэгіянальнай эканомікі, прагназавання сацыяльна-эканамічнага развіцця краіны і рэгіёнаў, даследаванняў праблем устойлівага развіцця, кандыдат эканамічных навук.

Біяграфія

Нарадзіўся 23 лютага 1942 года ў вёсцы Сталяры Асіповіцкага раёна. У 1964 г. скончыў з адзнакай геаграфічны факультэт БДУ, у 1970 годзе — аспірантуру Савета па вывучэнні вытворчых сіл пры Дзяржплане СССР (г. Масква). Абараніў кандыдацкую дысертацыю на тэму «Эканамічныя праблемы развіцця малых і сярэдніх гарадоў Беларускай ССР».

У 1964—1981 гадах А. У. Багдановіч працаваў у вылічальным цэнтры, Навукова-даследчым інстытуце эканомікі і эканоміка-матэматычных метадаў планавання пры Дзяржплане БССР. У 1972—1973 гадах — старшы навуковы супрацоўнік у Мінскім філіяле Цэнтральнага навукова-даследчага і праектнага інстытута па горадабудаўніцтву Дзяржграмадбуда СССР.

З 1981 года — загадчык сектарам, загадчык аддзелам, загадчык Аддзяленнем эканомікі і прагназавання развіцця рэгіёнаў, з 1995 года — намеснік, а з 1998 па 2011 гады — першы намеснік дырэктара па навуковай рабоце Навукова-даследчага эканамічнага інстытута Міністэрства эканомікі Рэспублікі Беларусь.

З 2011 года працуе загадчыкам аддзела метадалогіі кіравання рэгіянальным развіццём НДЭІ Мінэканомікі РБ.

Навуковая дзейнасць

А. У. Багдановіч — удзельнік распрацоўкі Схем развіцця і размяшчэння прадукцыйных сіл Рэспублікі Беларусь (1965—1989 гады). Пры яго непасрэдным удзеле былі распрацаваны Метадычныя рэкамендацыі па складанні комплексных планаў эканамічнага і сацыяльнага развіцця абласцей, адміністрацыйных раёнаў і гарадоў Беларускай ССР, а таксама праекты: Праграмы пераходу Беларускай ССР да рынкавай эканомікі, Праграмы структурнай перабудовы эканомікі Рэспублікі Беларусь, Асноўных напрамкаў сацыяльна эканамічнага развіцця Рэспублікі Беларусь на 1996—2000 гады, Нацыянальнай стратэгіі ўстойлівага развіцця Рэспублікі Беларусь, Дзяржаўнай праграмы імпартазамяшчэння, Канцэпцыі і Праграмы развіцця прамысловага комплексу Рэспублікі Беларусь на 1998—2015 гады, Канцэпцыі дзяржаўнай рэгіянальнай эканамічнай палітыкі Рэспублікі Беларусь, Праграмы сацыяльна-эканамічнага развіцця Рэспублікі Беларусь на 2001—2005 гады, Праграмы структурнай перабудовы і павышэння канкурэнтаздольнасці эканомікі Рэспублікі Беларусь, Нацыянальнай стратэгіі ўстойлівага сацыяльна-эканамічнага развіцця Рэспублікі Беларусь на перыяд да 2020 года, Праграмы сацыяльна-эканамічнага развіцця Рэспублікі Беларусь на 2006—2010 гады, Дзяржаўнай комплекснай праграмы развіцця рэгіёнаў, малых і сярэдніх гарадскіх паселішчаў на 2007—2010 гады. У цяперашні час ён з’яўляецца навуковым кіраўніком і адказным распрацоўшчыкам «Стратэгіі рэгіянальнага развіцця Рэспублікі Беларусь да 2025 года».

Апублікаваў больш за 200 навуковых прац, у тым ліку манаграфію «Гарады Беларусі. Кароткі эканамічны нарыс», 16 кніг, 4 брашуры, методыкі па распрацоўцы стратэгій, прагнозаў і праграм сацыяльна-эканамічнага развіцця. А. У. Багдановіч — адзін з аўтараў падручніка «Нацыянальная эканоміка Беларусі». Ён з’яўляецца членам савета па абароне кандыдацкіх дысертацый пры НДЭІ Міністэрства эканомікі Рэспублікі Беларусь, членам рэдакцыйных калегій Беларускага эканамічнага часопіса і Эканамічнага бюлетэня НДЭІ.

За вялікі асабісты ўклад у распрацоўку дзяржаўных прагнозаў і праграм сацыяльна-эканамічнага развіцця краіны А. У. Багдановіч узнагароджаны Ганаровымі граматамі Савета Міністраў Рэспублікі Беларусь (2000, 2006), медалём «За працоўныя заслугі» (2010).

Бібліяграфія

• Богданович А.В., Сидоров П.А. Проблемы развития небольших городов Белорусской ССР // Вест. Моск. ун-та. Сер. 5. География. – 1966. – № 3. –С. 83-85.
• Богданович А.В. Основные направления формирования и рационального использования трудовых ресурсов малых и средних городов Белоруссии // Проблемы народонаселения и трудовые ресурсы. Вып. 3. Сб. науч. трудов / НИИЭМП при Госплане БССР. – Минск, 1972. – С. 279-294.
• Богданович А.В. Формирование единой системы расселения в Белорусской ССР // Проблемы народонаселения и трудовых ресурсов, Вып. VII. Сб. науч. трудов / НИИЭМП при Госплане БССР. – Минск, 1976. – С. 94-100.
• Александрович Я. М., Богданович А.В. Определение региональных (окружных) центров и основных параметров их развития (на примере Белорусской ССР) // Географические основы формирования систем расселения: Сб. науч. трудов / Географическое общество СССР. – Ленинград, 1981. – С. 57-64.
• Богданович А.В. Планирование экономического и социального развития в условиях регионального самоуправления // Совершенствование планирования в новых условиях хозяйствования: Сб. науч. трудов / НИЭИ Госплана БССР. – Минск, 1990. – С. 5-12.
• Богданович А.В. Региональные аспекты социально-экономического развития в Республике Беларусь // Социально-экономические проблемы развития регионов Беларуси: Сб. науч. трудов / НИЭИ Минэкономики РБ. – Минск, 1997. –С. 3-14.
• Богданович А.В. Разработка и реализация совместных программ Республики Беларусь и Российской Федерации // Социально-экономические проблемы развития союзного государства: Сб. науч. трудов / НИЭИ Минэкономики РБ. – Минск, 2001. – С. 19-27.Богданович А.В. Урбанизация с человеческим лицом. Проблемы и перспективы развития белорусских городов // Беларуская думка. - 2011. - №11. -С.38-43.