Андрычград
Славутасць | |
Андрычград | |
---|---|
Андрићград | |
43°47′09″ пн. ш. 19°17′39″ у. д.HGЯO | |
Краіна | Боснія і Герцагавіна |
Горад | Вішаград |
Заснавальнік | Эмір Кустурыца |
Сайт | andricgrad.com/en |
Медыяфайлы на Вікісховішчы |
Андрычград (сербск.: Андрићград, што азначае «горад Андрыча») — горадабудаўнічы праект («горад у горадзе»), размешчаны ў Вішаградзе, Рэспубліка Сербская, Боснія і Герцагавіна. Пабудаваны пад кіраўніцтвам і пры фінансавым удзеле рэжысёра Эміра Кустурыцы. Горад прысвечаны югаслаўскаму пісьменніку Іва Андрычу, лаўрэату Нобелеўскай прэміі.
Гісторыя[правіць | правіць зыходнік]
Будаўніцтва Андрычграда, таксама вядомага як Каменград пачаліся 28 чэрвеня 2011 года. Ён быў афіцыйна адкрыты 28 чэрвеня 2014 г. у дзень 100-годдзя забойства эрцгерцага Фердынанда Гаўрылай Прынцыпам[1]. Выдаткі на будаўніцтва склалі амаль 15 мільёнаў еўра[2].
Андрычград размешчаны на правым беразе Дрыны побач з Вішаградскім мостам, які ўваходзіць у спіс Сусветнай спадчыны ЮНЕСКА, і распасціраецца ад моста да вусця ракі Рзава[3]. Пасля этнавёскі Дрвенград у Сербіі, гэта другі пасёлак, створаны Кустурыцай з нуля. Андрычград знаходзіцца менш чым у 20 км на захад ад Дрвенграда.
Горад займае плошчу больш за 1,7 га. Там ёсць гарадскі муніцыпалітэт, крамы, гасцініцы, тэатр, дом-музей Іва Андрыча, гуманітарны інстытут, храм Святога князя Лазара, рынак, кафэ і рэстараны, бібліятэка, мастацкая галерэя, кінатэатр, невялікая прыстань[2]. Прадстаўлены пабудовы розных архітэктурных стыляў і эпох.
Андрычград павінен стаць месцам здымак новага фільма Кустурыцы, заснаваным на рамане Мост на Дрыне лаўрэата Нобелеўскай прэміі па літаратуры Іва Андрыча.
Помнікі[правіць | правіць зыходнік]
Помнік Іва Андрычу размешчаны ў цэнтры Андрычграда[4][5]. Помнік мае вышыню 2,4 м і быў адкрыты на Відавдан 28 чэрвеня 2012 года падчас цырымоніі, прысвечанай гадавіне пачатку будаўніцтва Андрычграда. Помнік быў створаны ў адказ на знос бюста Іва Андрыча ў Вішаградзе ў 1991 годзе мусульманскімі экстрэмістамі[6][7].
Помнік Пятру II Петравічу Негашу усталяваны на плошчы перад храмам Святога князя Лазара. Адкрыты 29 лістапада 2013 года. З'яўляецца копіяй помнікаў у Падгорыцы і Бялградзе.
Ганаровыя грамадзяне[правіць | правіць зыходнік]
Ганаровыя грамадзяне Андрычграда — гэта людзі, якім былі ўручаны ключы ад горада. Імі з'яўляюцца:[8]
- Міларад Додзік, прэзідэнт Рэспублікі Сербскай
- Вук Ярэміч, старшыня на 67-й сесіі Генеральнай Асамблеі ААН
- Мація Бечкавіч, пісьменнік
- Новак Джокавіч, тэнісіст
Галерэя[правіць | правіць зыходнік]
-
Галоўная плошча Андрычграда
-
Цырымонія адкрыцця 28 чэрвеня 2014
-
Галоўная вуліца Андрычграда
-
Плошча ў Андрычградзе
-
Сярэднявечная сербская архітэктура
-
Усходняя архітэктура
-
Андрычград ноччу
-
Помнік Петру II Петравічу
-
Турыстычная лодка
-
Насценны роспіс
-
Плошча Петра II Петравіча
Зноскі
- ↑ Otvaranje kompleksa Andrićgrad u znaku stogodišnjice Velikog rata (серб.)
- ↑ а б Российский писатель и публицист удостоился премии имени Иво Андрича за роман «Обитель» и книгу рассказов «Семь жизней»
- ↑ Uz ćupriju novi Kusturicin grad(недаступная спасылка)
- ↑ Обиљежавања годишњице од почетка изградње Андрић града (серб.). Радио-телевизија Републике Српске (28. 6. 2012). Праверана 30. 6. 2012.(недаступная спасылка)
- ↑ Откривен споменик Иви Андрићу (серб.). Радио-телевизија Републике Српске (28. 6. 2012). Праверана 30. 6. 2012.
- ↑ Откривен споменик Иви Андрићу (серб.)(недаступная спасылка). СРНА (28. 6. 2012). Архівавана з першакрыніцы 2 лютага 2014. Праверана 30. 6. 2012.
- ↑ Данас откривање споменика нобеловцу (серб.)(недаступная спасылка). СРНА (28. 6. 2012). Архівавана з першакрыніцы 2 лютага 2014. Праверана 30. 6. 2012.
- ↑ Đokoviću ključevi Andrićgrada . Večernje Novosti. Праверана 16 November 2014.
Спасылкі[правіць | правіць зыходнік]
- andricgrad.com — афіцыйны сайт Андрычграда