Андрэй Уладзіміравіч Жук

Андрэй Уладзіміравіч Жук
Андрэй Уладзіміравіч Жук
Дата нараджэння	6 жніўня 1969 (54 гады)
Месца нараджэння	Горкі, Горацкі раён, Магілёўская вобласць, БССР, СССР;
Альма-матар	Маскоўскае вышэйшае ваеннае каманднае вучылішча (1990); ВАРБ (2007); МінСВУ (1986);
Грамадзянства	СССР; Беларусь;
Званне	генерал-маёр

Андрэй Уладзіміравіч Жук (6 жніўня 1969, Горкі, Магілёўская вобласць) — беларускі ваенны дзеяч, намеснік Міністра абароны Рэспублікі Беларусь (з 2021), генерал-маёр (2016).

Біяграфія[правіць | правіць зыходнік]

Нарадзіўся 6 жніўня 1969 года ў г. Горкі Магілёўскай вобласці.

У 1986 годзе скончыў Мінскае сувораўскае ваеннае вучылішча. У 1990 годзе, пасля заканчэння ў Маскоўскага вышэйшага агульнавайсковага каманднага вучылішча імя Вярхоўнага Савета РСФСР, праходзіў ваенную службу на пасадах камандзіра мотастралковага ўзвода, роты, танкавай роты, начальніка штаба — намесніка камандзіра танкавага батальёна, камандзіра танкавага батальёна 334-га гвардзейскага мотастралковага палка 120-й гвардзейскай мотастралковай дывізіі, намесніка начальніка штаба базы захоўвання ўзбраення і тэхнікі Паўночна-заходняга аператыўнага камандавання, намесніка камандзіра 361-й базы аховы і абслугоўвання Міністэрства абароны Рэспублікі Беларусь.

У жніўні 2007 года скончыў з адзнакай камандна-штабны факультэт Ваеннай акадэміі Рэспублікі Беларусь і прызначаны старшым афіцэрам упраўлення галоўнага аператыўнага ўпраўлення Генеральнага штаба Узброеных Сіл. У далейшым ваенную службу праходзіў на пасадах старшага афіцэра сёмага ўпраўлення Генеральнага штаба Узброеных Сіл, начальніка штаба — першага намесніка камандзіра 120-й асобнай гвардзейскай механізаванай брыгады Паўночна-заходняга аператыўнага камандавання, камандзіра 6-й асобнай гвардзейскай механізаванай брыгады Заходняга аператыўнага камандавання, камандзіра 11-й асобнай гвардзейскай механізаванай брыгады Заходняга аператыўнага камандавання.

2 ліпеня 2014 года прызначаны намеснікам камандуючага войскамі Заходняга аператыўнага камандавання^[1]. 28 чэрвеня 2016 года прысвоена воінскае званне генерал-маёра^[2].

З мая 2018 года па 11 сакавіка 2021 года^[3] быў камандуючым войскамі Паўночна-заходняга аператыўнага камандавання.

11 сакавіка 2021 года прызначаны намеснікам Міністра абароны Рэспублікі Беларусь^[3].

З 2022 года знаходзіцца ў Чорным спісе Еўрасаюза, а таксама пад санкцыямі Аўстраліі, Вялікабрытаніі, Канады, Новай Зеландыі, Швейцарыі, Украіны^[4].

Зноскі

[1] Указ Президента Республики Беларусь от 2 июля 2014 года № 337 «О назначении А. В. Жука»

[2] Указ Президента Республики Беларусь от 28 июня 2016 года № 239 «О присвоении воинского звания»

[ukaz-3] а ^б Указ Президента Республики Беларусь от 11 марта 2021 года № 95 «Об А. В. Жуке»

[4] ЖУК Андрій Володимирович

[1]

[2]

[3]

[4]