Арман Гіёмен

Арман Гіёмен
фр.: Armand Guillaumin
Род дзейнасці	мастак, літограф, рысавальнік, ілюстратар
Дата нараджэння	16 лютага 1841(1841-02-16)[…]
Месца нараджэння	Парыж, дэпартамент Сена, Францыя
Дата смерці	26 чэрвеня 1927(1927-06-26)[…] (86 гадоў)
Месца смерці	Orly[d], дэпартамент Сена, Францыя
Грамадзянства	Францыя
Дзеці	Armand Guillaumin[d]
Аўтограф
Медыяфайлы на Вікісховішчы

Жан-Батыст Арман Гіёмен (фр. Jean-Baptiste Armand Guillaumin; 16 лютага 1841, Парыж, Францыя — 26 чэрвеня 1927, Арлі, Валь-дэ-Марн, Францыя) — французскі жывапісец, больш вядомы як Арман Гіёмен.

Біяграфія

Арман Гіёмен нарадзіўся ў Парыжы 16 лютага 1841 года. У канцы таго ж года сям’я Армана пакінула Парыж і пераехала ў Мулен. У 1856 годзе Арман ва ўзросце 16 гадоў зноў вярнуўся ў Парыж і пачаў наведваць мастацкія заняткі ў муніцыпальнай школе, якія вёў скульптар Кэйлуэ. У 1860 годзе Гіёмен стаў працаваць у чыгуначнай кампаніі «Парыж-Арлеан». Але Арман не забыўся пра заняткі мастацтвам і неўзабаве стаў наведваць Акадэмію Сюіса ў Парыжы, дзе пазнаёміўся з Франсіска Альерам, Камілем Пісаро і Полем Сезанам. У 1863 годзе Гіёмен разам з Эдуарам Манэ, Камілем Пісаро і Полем Сезанам выставіў свае працы на знакамітай выставе «Салон адрынутых», хоць працы Армана не былі пазначаны пад яго імем.

Пазнаёміўшыся ў 1883 годзе з Полем Сіньякам, а затым і з Жоржам Сёра, ён пачынае працаваць у тэхніцы пуантылізму.

У 1891 годзе выйграў у гарадской латарэі 100 000 франкаў, і гэтае нечаканае багацце дало яму, нарэшце, магчымасць развітацца са сваёй адміністрацыйнай працай у Парыжы і пачаць падарожнічаць у пошуках новых, больш разнастайных матываў і відаў. Перш за ўсё мастак пабываў у Сен-Пале, дзе ім былі напісаны «Сэн-Пале, вусце Жыронда» (1892), «Горы ў Сен-Пале» (1893). У перыяд з 1893 па 1913 гады Гіёмен таксама пабываў у Крэзе, Кразане, у Агэ, Аверні, дэпартаменце Орн, Луэне, дэпартаменце Эр, Руане, а ў 1904 годзе наведаў Галандыю.

Пасля 1913 года мастак усё больш часу праводзіць у Кразане, узімку жывучы на ​​поўдні і часта бываючы ў Парыжы. Сярод найболей значных прац гэтых гадоў: «Вёска Пешадэр» (1895), «Пейзаж у Агэ» (1895), «Млын у Бушардонь» (1905), «Горы Кроза» (1918).