Барыс Іванавіч Коўзан

Барыс Іванавіч Коўзан
руск.: Ковзан Борис Иванович
Дата нараджэння	7 красавіка 1922(1922-04-07)
Месца нараджэння	Шахты, Данецкая губерня[d], УССР
Дата смерці	31 жніўня 1985(1985-08-31) (63 гады)
Месца смерці	Мінск, БССР, СССР
Месца пахавання	Паўночныя могілкі
Альма-матар	Ваенна-паветраная акадэмія імя Ю. А. Гагарына
Грамадзянства	СССР
Прыналежнасць	СССР
Род войскаў	Ваенна-паветраныя сілы СССР і Ваенна-паветраныя сілы
Гады службы	1939—1958
Званне	палкоўнік
Бітвы/войны	Усходнееўрапейскі тэатр ваенных дзеянняў Другой сусветнай вайны Вялікая Айчынная вайна
Узнагароды і званні
Медыяфайлы на Вікісховішчы

Барыс Іванавіч Коўзан (7 красавіка 1922, горад Шахты, Растоўская вобласць — 31 жніўня 1985, Мінск, БССР) — ваенны лётчык, удзельнік Вялікай Айчыннай вайны. Герой Савецкага Саюза (1943). Адзіны лётчык-знішчальнік, які здзейсніў у паветраных баях 4 тараны.

Біяграфія

Нарадзіўся ў горадзе Шахты (Растоўская вобласць Расіі). Скончыў 8 класаў школы ў Бабруйску. З 1939 года ў Чырвонай Арміі. У 1940 годзе скончыў Адэскую ваенную авіяцыйную школу пілотаў. Праходзіў службу ў 160-м знішчальным авіяцыйным палку Беларускай асобай ваеннай акругі. У час Вялікай Айчыннай вайны з верасня 1941 года на фронце. За час вайны Б. Коўзан выканаў 360 баявых вылетаў, правёў 170 паветраных баёў, збіў 28 самалётаў праціўніка. Быў неаднаразова паранены.

Пасля вайны Б. І. Коўзан працягваў службу ў авіяцыі. У 1954 годзе скончыў Ваенна-паветраную акадэмію і быў прызначаны начальнікам Разанскага аэраклуба ДТСААФ. З 1958 года палкоўнік Б. Коўзан у запасе. Жыў у Разані і працягваў працаваць начальнікам аэраклуба. З 1969 года жыў і працаваў у Мінску.

Памёр 31 жніўня 1985 года ў Мінску. Пахаваны ў Мінску на Паўночных могілках.

Узнагароды

• Медаль «Залатая Зорка»
• 2 ордэны Леніна
• Ордэн Чырвонага Сцяга
• Ордэн Айчыннай вайны 1-й ступені
• Ордэн Чырвонай Зоркі
• медалі

Памяць

• Мемарыяльная дошка ў Мінску на доме, у якім жыў Б. І. Коўзан.
• У гонар Б. І. Коўзана названая адна з вуліц горада Бабруйск.
• Пошта Расіі ў 2004 годзе выпусціла паштовую марку ў гонар Героя.

Літаратура

• Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 419. — 10 000 экз. — ISBN 985-11-0035-8. — ISBN 985-11-0144-3 (т. 8).
• Коўзан Барыс Іванавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 399. — 800 с. — 5 000 экз. — ISBN 985-11-0026-9.

Спасылкі

• Барыс Іванавіч Коўзан на сайце «Героі краіны»
• Шахтинцы — Герои Советского Союза // SHAKHT.RU — Шахтинский информационный портал Архівавана 5 чэрвеня 2017. (руск.)
• Четвёртый таран // Советская Белоруссия № 189 (25071). Суббота, 1 октября 2016 (руск.) (Праверана 29 чэрвеня 2023)
• Ковзан Борис Иванович (руск.) (Праверана 29 чэрвеня 2023) // Праект «Память народа»