Беларуская асацыяцыя гісторыкаў
| Беларуская асацыяцыя гісторыкаў | |
|---|---|
| Краіна | |
| Адміністрацыйны цэнтр | |
| Тып арганізацыі | гістарычнае таварыства |
| Кіраўнік | Міхаіл Паўлавіч Касцюк |
| Заснаванне | |
| Дата заснавання | 5 лютага 1993 |
Беларуская асацыяцыя гісторыкаў (БАГ) — грамадская навуковая арганізацыя ў Беларусі. Створана 5 лютага 1993 года ў Мінску на Усебеларускай канферэнцыі гісторыкаў[1]. Ініцыятарамі стварэння сталі М. П. Касцюк, У. М. Міхнюк, П. А. Шупляк. Яе першым старшынёй выбралі тагачаснага дэкана гістфака БДУ П. А. Шупляка, якога ў 1997 г. змяніў акадэмік М. П. Касцюк.
Пазней на аснове асацыяцыі быў арганізаваны Нацыянальны камітэт гісторыкаў Рэспублікі Беларусь. Ён у 1995 г. упершыню прадстаўляў рэспубліку на ХVІІІ Міжнародным кангрэсе гістарычных навук у Манрэалі, а праз два гады — у італьянскім Спалета афіцыйна прыняты ў склад Міжнароднага камітэта гістарычных навук.
Аб’ядноўвае вучоных гісторыкаў, выкладчыкаў і настаўнікаў гістарычных дысцыплін, бібліятэчных, музейных, архіўных работнікаў, краязнаўцаў[1].
Мае на мэце садзейнічаць развіццю фундаментальных даследаванняў па гісторыі Беларусі і ўсеагульнай гісторыі, пашыраць гістарычную адукаванасць грамадства, папулярызаваць і распаўсюджваць гістарычныя веды, фарміраваць нацыянальную гістарычную свядомасць насельніцтва Беларусі. Удзельнічае ў каардынацыі навуковых даследаванняў у галіновых навуковых установах Беларусі і ВНУ, у рабоце па павышэнні кваліфікацыі кадраў гістарычнай навукі, садзейнічае публікацыі вынікаў навуковых даследаванняў, праводзіць навуковыя канферэнцыі, супрацоўнічае з органамі дзяржаўнай улады і кіравання[1].
Складаецца з індывідуальных і калектыўных членаў. Вышэйшы орган БАГ — з’езд, які склікаецца раз у 3 гады. Кіруючы орган — рада. У перыяд паміж з’ездамі і пасяджэннямі рады дзейнасць БАГ накіроўвае прэзідыум[1].
Зноскі
- ↑ а б в г Беларуская асацыяцыя гісторыкаў // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2).
Літаратура[правіць | правіць зыходнік]
- Беларуская асацыяцыя гісторыкаў // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2).
