Бонскі агляд

З Вікіпедыі, свабоднай энцыклапедыі

«Бонскі агляд» (ням. Bonner Durchmusterung, азначэнне BD) — зорны каталог агляднага характару, змяшчае прыблізныя каардынаты ярчэйшых за m+9 — m+10 (візуальна) зорак, аднесеныя да эпохі 1855, а таксама зорныя велічыні, запісаныя на аснове не вельмі дакладных навочных ацэнак. Гэты каталог не з’яўляецца фотаметрычным каталогам.

Да каталога прыкладзены атлас зорнага неба, які складаецца з 64 карт, абсягам на поўнач ад скланення −23°. Каталог падзелены на зоны у адп. са скланеннямі, кожная зона мае шырыню 1 градус. Унутры кожнай зоны зоркі панумараваны ў парадку іх прамых узыходжанняў, напр., BD +4°1375 знаходзіцца ў зоне +4° з нумарам 1375.

Каталог быў працягнуты на паўднёвае паўшар’е зорнага неба ў Кардоўскім і Капскім аглядах.

Гл. таксама[правіць | правіць зыходнік]