Ваніна

Пасёлак гарадскога тыпу Ваніна Герб Краіна Расія Суб’ект федэрацыі Хабараўскі край Муніцыпальны раён Ванінскі раён[d] Каардынаты 49°05′00″ пн. ш. 140°16′00″ у. д. Заснаваны 1943 Першая згадка 1907 Плошча 31,54 км² Вышыня цэнтра 20 м Насельніцтва ▼15 485 чал. (2017) Часавы пояс UTC+10 Тэлефонны код 42137 Паштовыя індэксы 682860 Код АКАТП 08212551000 Афіцыйны сайт admpos-vanino.ru Ваніна на карце Расіі ±

Медыяфайлы на Вікісховішчы

Ваніна (руск.: Ва́нино) — пасёлак гарадскога тыпу ў Хабараўскам краі Расіі, адміністрацыйны цэнтр Ванінскага раёна, размешчаны на мацерыковым узбярэжжы Татарскага праліва Японскага мора.

Гісторыя

Упершыню бухта з’явілася на расійскіх марскіх картах у 1876 годзе, дзякуючы экспедыцыі па даследаванні Татарскага праліва. Гісторыя засялення паселішча пачынаецца з 1907 года, са з’яўленнем лесапрамыслоўца Цішкіна, адсюль і першая назва населенага пункта — Цішкіна. Засваенне бухты пачалося ў 1939 годзе. Да гэтага часу ў бухце знаходзілася толькі адно прадпрыемства — Лесаўчастак. Афіцыйная дата заснавання порта — 18 кастрычніка 1943 года.

У красавіку 1944 года быў датэрмінова здадзены ў эксплуатацыю першы пірс, 20 ліпеня 1945 года з Камсамольска-на-Амуры ў бухту Ваніна прыбыў першы цягнік. У будаўніцтве чыгункі вялікую ролю адыгралі зняволеныя, салдаты будаўнічых батальёнаў, а таксама каля 50 тысяч ваеннапалонных. У пасёлку была адкрыта чыгуначная станцыя, якая носіць назву «Ваніна-Вакзал». Порт Ваніна, Ванінскі ТПЛ (Ванінскі транзітна-перасыльны лагер) стаў перасадачным пунктам для этапаў вязняў, якія накіроўваліся на Калыму.