Вікіпедыя:Артыкул

З Вікіпедыі, свабоднай энцыклапедыі
Кароткая спасылка-перанакіраванне ВП:АРТ

Артыкул — старонка ў базе даных Вікіпедыі, якая ўтрымлівае энцыклапедычны змест.

Вызначэнне тэрміна «артыкул» у Вікіпедыі залежыць ад пункту гледжання. Не ўсе магчымыя вызначэнні з’яўляюцца дастаткова выразнымі і правільнымі.

Найбольш агульнае паняцце — старонка. Так называюцца пайменаваныя запісы ў базе даных Вікіпедыі. Назвы старонак адносяцца да розных прастораў. Усе артыкулы адносяцца да асноўнай прасторы назваў (называнай часам «прасторай артыкулаў»). Перасылкі і старонкі неадназначнасцей таксама сустракаюцца ў асноўнай прасторы, аднак да артыкулаў звычайна не адносяцца. Таксама да артыкулаў нельга аднесці старонкі з іншых прастораў назваў, вось некаторыя:

  • Вікіпедыя: прастора назваў, у якой змешчаны старонкі Вікіпедыі пра яе працу.
  • Размовы: прастора назваў, якая ўтрымлівае абмеркаванні, утрыманыя на гэтых старонках.
  • Удзельнік: прастора назваў, якая змяшчае ўласныя старонкі ўдзельнікаў.
  • Файл: прастора назваў, у якой змяшчаецца апісанне выяў, якія выкарыстоўваюцца ў Вікіпедыі.

З пункту гледжання правіл Вікіпедыі нарыхтоўкі артыкулаў (пачаткі артыкулаў) з’яўляюцца асобным выпадкам артыкулаў. Тэрмін «нарыхтоўка» апісвае не сутнасць аб’екта, а бягучы ўзровень яго якасці.

З пункту гледжання звязнасці[правіць зыходнік]

Артыкулам называюць звязаны паміж сабой тэкст, які мае загаловак з асноўнай прасторы назваў, змест якога адлюстроўвае агульнае значэнне яго загалоўка.

Старонкі неадназначнасцей апісваюць некалькі розных значэнняў тэрміна, а старонкі-перанакіраванні зусім не ўтрымліваюць звязнага тэксту. Яны не патрапляюць пад вызначэнне артыкула.

Адкрытыя і неэнцыклапедычныя спісы, такія, як спісы для каардынацыі працы, не могуць змяшчаць звязнага энцыклапедычнага тэксту (што адрознівае іх ад энцыклапедычных спісаў). Яны ўяўляюць сабой пэўны спосаб навігацыі па незавершаных раздзелах.

Даданне ў тэкстах артыкулаў спасылак на іншыя артыкулы патрэбна, а даданне спасылак на старонкі неадназначнасцей не заўсёды.

З пункту гледжання якасці[правіць зыходнік]

Артыкулы, рэкамендаваныя да чытання, як правіла, не павінны ўтрымліваць відавочных недахопаў. Для інфармавання пра недахопы ў Вікіпедыі прымяняюцца службовыя шаблоны, якія дадаюць артыкулы ў схаваныя катэгорыі, у тым ліку:

  • {{няма крыніц}}
  • {{тупіковы артыкул}}
  • {{вікіфікаваць}}
  • {{ізаляваны артыкул}}

і г.д.

На жаль, не ўсе наяўныя недахопы пазначаныя адпаведнымі шаблонамі.

З пункту гледжання ботаў[правіць зыходнік]