Горад Атлантыда

З пляцоўкі Вікіпедыя
Перайсці да: рух, знайсці
Горад
Атлантыда
ісп.: Atlántida
Playa Mansa from the Planeta Palace Hotel, Atlantida, Uruguay.jpg
Атлантыда. Выгляд на пляж Плая-Манса з былога гателя «Planeta Palace»

Каардынаты: 34°46′12.36″ пд. ш. 55°45′40.6″ з. д. / 34.770102° пд. ш. 55.76128° з. д. (G) (O) (Я)34°46′12.36″ пд. ш. 55°45′40.6″ з. д. / 34.770102° пд. ш. 55.76128° з. д. (G) (O) (Я)

Краіна
Дэпартамент
Муніцыпалітэт
Глава
Вальтэр Гансалес
Заснаваны
Горад з
Вышыня цэнтра
15 м
Насельніцтва (2011)
5 562 чалавек
Часавы пояс
Тэлефонны код
+598 437x xxxx
Паштовы індэкс
UY-ADA

Атлантыда (Уругвай)
Атлантыда
Атлантыда

Атлантыда (ісп.: Atlántida) — курортны горад на поўдні Уругвая і адміністрацыйны цэнтр аднайменнага муніцыпалітэту, уваходзячага ў склад дэпартамента Канелонэс. З'яўляецца часткай узбярэжнай курортнай зоны Коста-дэ-Ора.

Геаграфія[правіць | правіць зыходнік]

Размешчаны на ўзбярэжжы эстуарыя Ла-Плата ў месцы ўпадзення ракі Саліс-Чыка, у 45 км усходней Мантэвідэа.

Гісторыя[правіць | правіць зыходнік]

Да пачатку XX ст. паўднёвая мяжа дэпартамента Канелонэс уяўляла сабой забалочанае пакрытае выдмамі ўзбярэжжа, якое не лічылася эканамічна перспектыўным, так як было непрыдатна для земляробства.

Атлантыда пачала фарміравацца ў пачатку ХХ ст. як курорт для эліты Мантэвідэа, якая яшчэ ў XIX ст. завяла звычку ўладкоўваць летнія лагеры на пляжы Санта-Раса (цяпер носіць назву Плая-Манса і з'яўляецца часткай Атлантыды).

Напрыканцы 1900-х – пачатку 1910-х таварыства «La Arborícora Uruguaya», заснаванае ў 1908 годзе, купляе буйны участак узбярэжжа на ўсход ад горада Панда і праводзіць азеляненне выдмавай тэрыторыі (высаджваецца каля 150 тысяч эўкаліптаў. Потым гэтая тэрыторыя была распрадана па кавалкам.

У 1913 годзе быў пабудаваны першы гатэль, які меў назву «Las Toscas» (з 1915 года завецца «Atlántida»). У той жа час пачынаецца будаўніцтва дарогі да аднайменнай чыгуначнай станцыі Лас-Тоскас (цяпер — Атлантыда). У 1918 годзе была ажыццеўлена электрыфікацыя населенага пункта

Развіццё Атлантыды паскорылася ў 1939 годзе, калі ўсе не прададзеныя зямельныя ўчасткі набыў італьянскі прадпрымальнік Наталіё Мічэлізі. У далейшым ён пачынае мэтанакіравана інвеставаць і развіваць турыстычна-забаўляльную інфраструктуру курорта

7 верасня 1967 года заканадаўчым актам № 13 609 Атлантыдзе быў прысвоены статус курортнага горада.

Муніцыпалітэт[правіць | правіць зыходнік]

MunCanAtlant.svg
Муніцыпалітэт Атлантыда (выдзелены зялёным) на карце дэпартамента Канелонэс

Муніцыпалітэт Атлантыда быў заснаваны 15 сакавіка 2010 года заканадаўчым актам № 18 653, як састаўная частка дэпартаменту Канелонэс.

Кіраўнік гарадской адміністрацыі — Вальтэр Гансалес.

Муніцыпалітэт уключае ў сябе непасрэдна саму Атлантыду, а таксама найблізкія населеныя пункты: Эстасьён-Атлантыда, Сіці-Гольф, Вілья-Аргенціна, Фарцін-дэ-Санта-Роса і сельскія тэрыторыі на поўнач ад іх.

Насельніцтва[правіць | правіць зыходнік]

Паводле перапісу 2011 года насельніцтва Атлантыды складае 5562 чалавекі, у тым ліку 2661 мужчына і 2901 жанчына.

Транспарт[правіць | правіць зыходнік]

Асноўнай транспартнай артэрыяй горада з'яўляецца вуліца Рута Інтэрбальнеарыя, якая перасякае яго ў кірунку з захаду на ўсход[1].

У кіламетры паўночней Атлантыды, тэрыторыю прыгарада Эстасьён-Атлантыда перасякае чыгунка, на якой знаходзіцца (цяпер не дзеючая) аднайменная станцыя, ад якой і пайшла назва прыгарада.

Зноскі

Спасылкі[правіць | правіць зыходнік]