Гінкга
| Гінкга двухлопасцевы | ||||||||||||||||
 Алея гінкга ў Токіа |
||||||||||||||||
| Навуковая класіфікацыя | ||||||||||||||||
|---|---|---|---|---|---|---|---|---|---|---|---|---|---|---|---|---|
| Міжнародная навуковая назва | ||||||||||||||||
|
Ginkgo biloba L., 1771 |
||||||||||||||||
| Ахоўны статус | ||||||||||||||||
|
||||||||||||||||
Гінкга (Ginkgo) — манатыпны род голанасенных раслін сямейства гінкгавых, вядомы адзін від — гінкга двухлопасцевы (Ginkgo biloba).
Старажытны рэлікт цеплалюбнай даледавіковай флоры (геалагічны ўзрост віду каля 50 млн. гадоў).
Двухдомнае лістападнае дрэва вышынёй да 30-40 м і дыяметрам ствала каля 3 м. Кара шэрая, шурпатая. Крона светлая, пірамідальная або раскідзісіая. Лісце чаранковае, простае, арыгінальнай веерападобнай формы, з паўкруглай пласцінкай і характэрным жылкаваннем, светла-зялёнае, увосень — залаціста-жоўтае, сядзіць пучкамі на пакарочаных парастках, ападае на зіму. Спарафілы моцна рэдукаваныя, сабраны ў аднаполыя стробілы. Сперматазоіды рухомыя, са шматлікімі жгуцікамі (архаічная прыкмета). Семя (да 2—3 см), з мясістай вонкавай і цвёрдай унутранай абалонкай.
Пашыраны ў Паўднёва-Усходняй Азіі (радзіма Усходні Кітай, Японія), утварае лясы з іншымі дрэвамі. На Беларусі рэдка вырошчваецца (з 1900) як дэкаратыўная расліна ў садах, парках і ў аранжарэях.
Размнажасцца насеннем і чаранкамі. Светлалюбны, устойлівы да засухі, задымлення паветра, грыбковых і вірусных захворванняў, рэдка пашкоджваевда насякомымі. Даўгавечны (да 1000 і больш гадоў).
Дэкаратыўнае дрэва, прыдатнае для вырошчвання ў садах і парках. Лекавая расліна. Семя ядомае.
Літаратура [правіць]
- Вынаеў Г. Гінкга // БЭ ў 18 т. Т. 5. Мн., 1997.
Зноскі
На ВікіСховішчы ёсць медыяфайлы па тэме Гінкга
 |
Гэта пачатак артыкула па батаніцы. Вы можаце дапамагчы праекту, выправіўшы і дапоўніўшы яго. |
