Драч

З пляцоўкі Вікіпедыя
Перайсці да: рух, знайсці
Драч
Corncrake (Crex crex).jpg
Гук Спевы
Навуковая класіфікацыя
Міжнародная навуковая назва

Crex crex (Linnaeus, 1758)

Сінонімы
  • Rallus crex
Арэал
выява

  Круглы год

  Месцы зімовак

Ахоўны статус
Wikispecies-logo.svg
Сістэматыка
на Віківідах
Commons-logo.svg
Выявы
на ВікіСховішчы
ITIS   176277
NCBI   185586
EOL   1049298

Драч, Дзярка́ч ці Дзярга́ч (Crex crex) — птушка сямейства пастушковых атраду жураўлепадобных.

Апісанне[правіць | правіць зыходнік]

Даўжыня цела 24—30 см, размах крылаў 41—53 см, маса 100—200 г. Афарбоўка светла-рыжая з цёмнымі стракацінамі. Дзюба кароткая, моцная. Крылы, асаблiва ў палёце, іржавыя i кароткiя, дзюба светлая.

Маладыя больш карычневыя, без шэрага колеру на галаве. Птушаняты ў чорным пуху з шэрай дзюбай.

Бегае хутка. Вясной самец выдае вельмі рэзкія, моцныя, непрыемныя гукі (адсюль назва).

Пашырэнне[правіць | правіць зыходнік]

Пашыраны па ўсёй Еўропе, Заходняй Азіі. Жыве на вільготных травяністых лугах, у пасевах сельскагаспадарчых культур, на лясных высечках, агародах. У Беларусі звычайны пералётны від (народныя назвы дзяргач, дзяргун). Актыўны пераважна ўначы.

Асаблівасці біялогіі[правіць | правіць зыходнік]

Корміцца насякомымі, смаўжамі, дажджавымі чарвямі, насеннем пустазелля і іншым. Зімуе ў Афрыцы і Міжземнамор'і. Увосені вельмі тлусты.

Гняздо ладзіць на зямлi (у месцы, у якім не выходзяць грунтавыя воды), пад купiнай травы, прыкрытае зверху заламанымі сцёбламі, радзей унутры куста. Яно чашападобнае з сухой травы або асакi з прымессю моху ў аснове i знешняй частцы.

Яйкi (звычайна 8-12), крыху падоўжаныя з тупым вузейшым канцом або авальныя з крыху завостранымі канцамі (вельмi рэдка з аднолькавымi канцамi). Белыя з ружаватым, жаўтаватым альбо жоўта-зеленаватым або папяліста-блакітным адценнем. Плямы падвойныя: глыбокiя папяліста-фiялетавыя, шэрыя або ружовыя, паверхневыя — iржава-карычневыя.

Значэнне для чалавека[правіць | правіць зыходнік]

Аб'ект палявання. Мяса вельмі смачнае, гатуецца падобна да перапёлкі, фазана.

Крыніцы[правіць | правіць зыходнік]