Дэвід Лэйн
Дэ́від Лэйн (англ.: David Lane; 2 лістапада 1938 — 28 траўня 2007) — лідар і стваральнік арганізацыі амерыканскіх неанацыстаў.
Дэвід Лэйн нарадзіўся ў 1938 годзе. Быў чальцом амэрыканскага Ку-клукс-клана. З'яўляецца адным з заснавальнікаў арганізацыі Боба Мэцьюза «The Order». Чальцы «The Order» абвінавачваюцца ў выкраданні грошай, забойствах, падрывах бомбаў, вырабе фальшывых банкнотаў, арганізацыі ваенізаваных лагераў з мэтаю звяржэння урада ЗША.
Лэйн быў прысуджаны да 190 гадоў пазбаўлення волі па абвінавачванні ў арганізацыі забойства радыёвядучага Алана Берга ў 1984 годзе. Сваё дачыненне да забойства адмаўляў. Пакаранне адбываў у федэральнай турме ADX Florence ва Фларэнцыі, штат Каларада.
З'яўляецца аўтарам папулярнага ў асяроддзі неанацыстаў лозунга «14 словаў»: «We must secure the existence of our people and a future for White children» («Мы павінны захаваць існаванне Нашага народа і будучыню для Белых дзяцей»). Знаходзячыся ў заключэнні, пісаў кнігі з вобласці «теорыі змовы». Прапаведаваў «ватанізм» (Wotanism).
Памёр 28 траўня 2007 ва сне вечарам у турме ў Індыяне.
[правіць] Спасылкі
- Творчасць Дэвіда Лэйна (англ.)
