Ежы з Вільні

Ежы з Вільні
біскуп жамойцкі з 19 лютага 1453
Дыяцэзія	Жамойская дыяцэзія
Папярэднік	Мікалай Камеданус
Пераемнік	Бартламей Свірэнкавіч[d]
Дзейнасць	каталіцкі святар, каталіцкі біскуп
Нараджэнне	каля 1405
Смерць	25 лютага 1464(1464-02-25)

Ежы з Вільні (Георгій з Вільні; каля 1405 або каля 1412 — 25 лютага 1464) — дзеяч каталіцкай царквы. Біскуп жамойцкі (з 1453).

Мяркуецца, што быў ліцвінам шляхецкага паходжання. Ранняя яго біяграфія няпэўная. Атаясамліваецца з Георгіем, сынам Давыда, з Ліды, які ў 1427 запісаўся ў Кракаўскі ўніверсітэт (або з Георгіем, сынам Готарда, з Вільні, які запісаўся ва ўніверсітэт у 1420) і з канонікам віленскім Ежы з Дворышча (каля Ліды) у 1442—43. Архідыякан віленскі ў 1447—1450. Біскуп жамойцкі з 1453. У 1463 пабудаваў у Ворнях (Медніках) драўляны кафедральны касцёл.

Літаратура

• Пазднякоў В. Ежы з Вільні // Вялікае княства Літоўскае: Энцыклапедыя. У 3 т. / Рэдкал.: Т. У. Бялова (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2010. — Т. 3: Дадатак. А — Я. — С. 212. — 696 с. — ISBN 978-985-11-0487-7 (т. 3), ISBN 985-11-0315-2.