Зікурат Этэменанкі

З пляцоўкі Вікіпедыя
Перайсці да: рух, знайсці
Рэканструкцыя

ЗІКУРА́Т ЭТЭМЕНАНКІ («этэменанкі»: дом асновы неба і зямлі), «Вавілонская вежа», зікурат у Вавілоне, пазней вядомы як «Вавілонская вежа», правобраз біблейскай Вавілонскай вежы. Быў збудаваны яшчэ да часоў Хамурапі, шмат разоў разбураўся, пашкоджваўся, перабудоўваўся. У апошні раз быў адбудаваны дойлідам Арадахешам пры аднаўленні Вавілону ў праўленне Асархадона. Апошняя, і, адначасова, няўдалая, спроба адбудаваць зікурат (пасля разбурэння яго Ксерксам) была зроблена Аляксандрам Македонскім.

Дакладны выгляд зікурата невядомы, існуюць розныя варыянты рэканструкцый, паводле апісанняў старажытных аўтараў. Ён складаўся з 7 ярусаў. Вышыня магла дасягаць 91 м. Не так, як большасць старажытных храмавых вежаў, зікурат меў квадратную аснову, (з даўжынёю боку ~91,5 м), а яго сцены былі строга вертыкальнымі. Зікурат быў збудаваны ў сваім унутраным ядры з неапаленай цэглы, абліцоўка — з апаленых цаглін 32x32 см, пакладзеных на бітум.

Літаратура[правіць | правіць зыходнік]

  • Всеобщая история архитектуры / Под ред. Михайлова Б. П. и др. Т.1. — М.: Гос. изд-во лит-ры по строительству, архитектуре и строит. материалам, 1958. — 686 с. С.41—42.
  • Frankfort H. The Art and Architecture of the Ancient Orient. — The Yale University Press, 1996.