Кава і цыгарэты: Недзе ў Каліфорніі

Кава і цыгарэты: Недзе ў Каліфорніі
англ.: Coffee and Cigarettes: Somewhere in California
Жанр	кінакамедыя
Рэжысёр	Джым Джармуш
Сцэнарыст	Джым Джармуш
У галоўных ролях	Ігі Поп Tom Waits[d]
Аператар	Фрыдэрык Элмс[d]
Працягласць	12 хв.
Краіна	ЗША
Мова	англійская
Год	1993
IMDb	ID 0106584

«Кава і цыгарэты: Недзе ў Каліфорніі» (англ.: Coffee and Cigarettes: Somewhere in California), таксама вядомы як «Кава і цыгарэты III» (англ.: Coffee and Cigarettes III) — кароткаметражны чорна-белы фільм 1993 года рэжысёра Джыма Джармуша. Трэці фільм з цыклу «Кава і цыгарэты», які ў 2003 годзе быў выпушчаны як поўнаметражны фільм.

Фільм быў паказаны на Канскім кінафестывалі 1993 года, дзе ўдастоіўся «Залатой пальмавай галіны» за найлепшы кароткаметражны фільм. На Варшаўскім кінафестывалі таго ж года фільм атрымаў Прыз глядацкіх сімпатый.

Сюжэт

Музыканты Том Уэйтс і Ігі Поп сустракаюцца ў бары недзе ў Каліфорніі. Уэйтс апавядае, што толькі што зрабіў аперацыю прама на абочыне дарогі. Ігі, які не ведаў пра тое, што Том — урач, здзіўляецца. Затым аказваецца, што абодва нядаўна кінулі паліць, і ў гонар гэтага Уэйтс прапануе выкурыць па адной цыгарэце. Ігі рэкамендуе Тому добрага барабаншчыка, з якім ён нядаўна пазнаёміўся, але Уэйтс, які сам выконвае партыі ўдарных у сваіх альбомах, абражаецца. Неўзабаве Ігі сыходзіць, а Уэйтс у яго адсутнасці закурвае яшчэ адну цыгарэту.

Спасылкі

• Афіцыйны сайт поўнаметражнага фільма «Кава і цыгарэты» (англ.)
• «Кава і цыгарэты: Недзе ў Каліфорніі» на сайце «Internet Movie Database» (англ.)