Канстытуцыйны рэферэндум у Гамбіі (1996)
8 жніўня 1996 года ў Гамбіі адбыўся рэферэндум па зацвярджэнні праекта новай канстытуцыі.
Гісторыя[правіць | правіць зыходнік]
22 ліпеня 1994 года абраны прэзідэнт краіны Дауда Джавара быў скінуты ў выніку ваеннага перавароту пад кіраўніцтвам Яя Джамэ. Пасля захопу ўлады лідар змоўшчыкаў, як старшыня Часовага кіруючага савета ўзброеных сіл, стаў фактычным кіраўніком дзяржавы, забараніўшы ўсю палітычную дзейнасць. Джамэ абяцаў насельніцтву вярнуцца да грамадзянскага кіравання цягам чатырох гадоў, але папярэдне павінна быць распрацавана новая канстытуцыя і праведзены прэзідэнцкія выбары[1].
Новая канстытуцыя, распрацаваная ваеннай хунтай, дазволіла шматпартыйныя выбары, неабмежаваную колькасць пяцігадовых прэзідэнцкіх тэрмінаў і знізіла ўзроставы цэнз для кандыдата ў кіраўнікі дзяржавы з 21 да 18 гадоў.
Вынікі[правіць | правіць зыходнік]
| Галасаванне | Голас | % |
|---|---|---|
| За | 270 093 | 70,36 |
| Супраць | 113 744 | 29,64 |
| Несапраўдныя / пустыя галасы | 38 | – |
| Агульны | 383 875 | 100 |
| Зарэгістраваныя выбаршчыкі / яўка | 441 732 | 86,90 |
| Крыніца: Direct Democracy. | ||
Наступствы[правіць | правіць зыходнік]
У жніўні 1996 года адбыліся прэзідэнцкія выбары, на якіх перамог Джамэ, хоць раней ён адмаўляў, што наогул будзе вылучаць сваю кандыдатуру і ўдзельнічаць у гонцы. У студзені 1997 года былі праведзены парламенцкія выбары, на якіх перамогу атрымаў Альянс за патрыятычную пераарыентацыю і стварэнне.
Заўвагі[правіць | правіць зыходнік]
- ↑ Country Profile: The Gambia Foreign & Commonwealth Office