Карцінная галерэя Г. Х. Вашчанкі
| Карцінная галерэя Г. Х. Вашчанкі | |
|---|---|
 | |
| Заснаваны | 5 лютага 2002 |
| Месцазнаходжанне | Гомель, вул. Карповіча, 4 |
| vaschenko.museum.by | |
 Медыяфайлы на Вікісховішчы | |
Карцінная галерэя Г. Х. Вашчанкі — мастацкая галерэя, была адкрыта 5 лютага 2002 года ў знак удзячнасці горада Гомеля за дар калекцыі з 50 карцін мастака, якія сталі асновай фонду галерэі. Жонка мастака, Мацільда Вашчанка, перадала гораду калекцыю, якая ўключае 70 работ сучасных беларускіх мастакоў, сяброў і вучняў Гаўрылы Харытонавіча Вашчанкі. У цяперашні час калекцыя галерэі пастаянна папаўняецца працамі мастакоў і налічвае каля 400 экспанатаў. У фондзе галерэі ёсць працы такіх беларускіх мастакоў як З. Літвінава, Л. Шчамялёў, У. Тоўсцік, А. Кішчанка, В. Альшэўскі, В. Шкаруба, Л. Хобатаў, В. Савіч, С. Цімохаў, А. Ксяндзоў, Р. Ландарскі, М. Казакевіч і інш.
Плошча будынка галерэі па вул. Карповіча, 4 складае — 895 м². Экспазіцыйная плошча — 313 м², выставачная плошча — 223 м².
У галерэі штогод праводзіцца больш за 30 выстаў. У 2011 годзе была скончаная мадэрнізацыя памяшканняў новага выставачнай залы па пр. Леніна, 43 плошчай 391 м². Зараз выставачная зала ўключае выставачныя плошчы, мастацкі салон і краму тавараў для мастакоў.
