Кенет Мак-Мілан

З пляцоўкі Вікіпедыя
Перайсці да: рух, знайсці

Кенет Макмілан (англ.: Kenneth MacMillan, 11 снежня 1929, г. Данфермлін, Вялікабрытанія — 29 кастрычніка 1992, Лондан, Вялікабрытанія) — англійскі артыст балета і балетмайстар.

Біяграфія[правіць | правіць зыходнік]

Кенет Макмілан нарадзіўся ў шатландскім мястэчку Данфермлін. Пасля пераезду ў горад Грэйт Ярмаўт ён пайшоў у сярэднюю школу. Пасля таго, як ён прачытаў у часопісе пра балет, ён зацікавіўся мастацтвам і стаў браць урокі ў Філіса Адамса.

Вучыўся ў балетнай школе трупы «Сэдлерс Уэлсбале» (Лондан). У 1946—1948 гадах саліст гэтай трупы. З 1950-х гадоў балетмайстар, у т.л. у Штутгарцкім балеце, Амерыканскім тэатры балета (Нью-Ёрк), Нямецкай гарадской оперы (Заходні Берлін, 1966—1969).

У 1970—1977 гадах дырэктар, з 1977 года мастацкі кіраўнік Каралеўскага балета Вялікабрытаніі.

Памёр Кенет Макмілан падчас прэм'еры адноўленага ім спектакля «Маерлінг».

Харэаграфія[правіць | правіць зыходнік]

У 1965 годзе паставіў балет «Рамэо і Джульета» на музыку Сяргея Пракоф'ева з Марго Фантэйн і Рудольфам Нурыевым ў галоўных ролях.

Балеты «Рамео і Джульета» С.Пракоф'ева (1965) і «Манон» на музыку Ж.Маснэ (1974) у яго пастаноўцы ідуць на многіх сцэнах свету.

З іншых пастановак: «Канцэртныя танцы», «Агон», «Пацалунак феі» і «Вясна свяшчэнная» І.Стравінскага, «Трыяда» на музыку Пракоф'ева, «Поры года» на музыку Дж. Вердзі, «Гларыяна» на музыку Б.Брытэна, «Сфінкс» Д.Міё, «Маерлінг» на музыку Ф.Ліста, «Канец дня» на музыку М.Равеля.

Літаратура[правіць | правіць зыходнік]

  • Беларуская энцыклапедыя: У 18 т. Т.9: Кулібін — Малаіта / Рэдкал.: Г. П. Пашкоў і інш. — Мн.: БелЭн, 1999. — 560 с.: іл.

Спасылкі[правіць | правіць зыходнік]

Шаблон:Сучасныя балетмайстары